ວັນທີ 27 ພຶດສະພາ ຜ່ານມານີ້ ຜູ້ໃຊ້ເຟສບຸກຊື່ Prakaykaew Saotonglang ເປັນພະຍາບານສາວ ໄດ້ໂພສຂໍ້ຄວາມເປີດເຜີຍເຫດຜົນຂອງການຕັດສິນໃຈທີ່ຈະລາອອກຈາກອາຊີບພະຍາບານ ໂດຍເປັນຂໍ້ຄວາມແທນໃຈເພື່ອນຮ່ວມງານອີກຫລາຍຊີວິດ ຕ້ອງເສຍສະລະຫຼາຍສິ່ງຫຼາຍຢ່າງ ເພື່ອແລກປ່ຽນຄໍາ ອາຊີບທີ່ໝັ້ນຄົງ ໂດຍຂໍ້ຄວາມກ່າວວ່າ.
ເຊົາກ່ອນອາຊີບທີ່ໝັ້ນຄົງ ຂໍໄປຢູ່ແບບອິດສະຫຼະດີກວ່າ ເພາະວ່າຢູ່ກັບອາຊີບທີ່ຫມັ້ນຄົງ ຄືຈະບໍ່ສາມາດຢູ່ໄດ້ດົນ ໃຜຢູ່ຈຸດນີ້ຈະຮູ້ວ່າມັນບໍ່ງ່າຍ ທັງຮັບເອົາອາລົມຈິດຂອງຍາດຕິພີ່ນ້ອງ ຄົນເຈັບ ເຮັດສິ່ງທີ່ດີສະເໝີ ເຮັດຜິດ ຖືກຟ້ອງ ຊີວິດຢູ່ເສັ້ນດ້າຍແທ້ໆ ທຸກໆມື້ທີ່ມາຂື້ນເວນຍາມ 8 ຊົ່ວໂມງ ຫຼື 16 ຊົ່ວໂມງ,
ຂ້ອຍບໍ່ເຄີຍກິນອາຫານຕາມເວລາ ບໍ່ເຄີຍນັ່ງພັກ ຫຼັງຈາກລົງເວນໄປໄດ້ສອງສາມຊົ່ວໂມງ, ກໍຕ້ອງສືບຕໍ່ຂື້ນເວນຕໍ່ ນອກຈາກວຽກງານພະຍາບານແລ້ວ ຍັງມີເອກະສານຕ່າງໆ ທີ່ຕ້ອງຮັບຜິດຊອບ.
ແລະສໍາຄັນທີ່ສຸດ ເມື່ອໃສ່ຊຸດລອຍນ້ໍາໄປທະເລຫຼືໂພດສິ່ງທີ່ບໍ່ເຫມາະສົມ ຫຼືເຮັດສີຜົມທີ່ແຕກຕ່າງກັນຫຼາຍ ກໍຕ້ອງຖືກຕຳນິຢູ່ເລື້ອຍໆ (ບາງຄັ້ງເກີດມາ 1 ຊີວິດ ກໍຢາກເຮັດຫຍັງທີມີຄວາມສຸກ) ຕັ້ງແຕ່ເຂົ້າໂຮງຮຽນພະຍາບານຈົນຈົບ ຂ້ອຍໄດ້ກິນເຂົ້າກັບພໍ່ແມ່ນັບຈົນນັບໄດ້.
ໃນໄລຍະບຸນເຕັດ ກໍບໍ່ເຄີຍໄດ້ພົບກັບຍາດຕິພີ່ນ້ອງ ເພາະຕ້ອງໄປປະຕິບັດໜ້າທີ່ ເມື່ອເຈັບປ່ວຍຫຼືມີວຽກຍາກທີ່ຈະຢຸດເຊົາ ແລະ ແລກປ່ຽນເວນຍາມກໍລຳບາກ ຊອກຫາຜູ້ທົດແທນ ບໍ່ມີໃຜແທນ ບໍ່ມີໃຜເບິ່ງຄົນເຈັບອີກເທື່ອ ແລ້ວ ຄົນເຈັບຈະຢູ່ແນວໃດ.
ການລາອອກນີ້ ຍັງຮັກອາຊີບນີ້ສະເຫມີ ແຕ່ຖ້າຢູ່ຕໍ່ ກໍຮູ້ສຶກ ບໍ່ມີຫຍັງດີຂຶ້ນ ມີແຕ່ທຸກສິ່ງທຸກຢ່າງຮ້າຍແຮງຂຶ້ນ ສຸຂະພາບຈິດໃຈແລະເວລາທີ່ໃຊ້ກັບຄອບຄົວຄ່ອຍໆຫຼຸດລົງ ໃຜທີ່ຍັງຢູ່ໃນອາຊີບນີ້ Ping ກໍຂໍເປັນກຳລັງໃຈໃຫ້ສະເຫມີ
