ທາງການກຳປູເຈຍເປີດເຜີຍຄົນຕ່າງປະເທດທີ່ໄດ້ຮັບການຊ່ວຍເຫລືອ ພາຍຫລັງຕົກເປັນເຫຍື່ອຂອງການຄ້າມະນຸດໃນໄລຍະ 8 ເດືອນຜ່ານມາ ຈຳນວນ 865 ຄົນ,
ສ່ວນຫລາຍແມ່ນຖືກຫລອກລວງທາງອິນເຕີເນັດ ຂະນະທີ່ລາຍງານພິເສດຂອງອົງການສະຫະປະຊາຊາດກັງວົນວ່າຜູ້ທີ່ຕົກເປັນເຫຍື່ອອາດຈະຖືກທໍລະມານຢ່າງໜັກໜ່ວງຈົນເຖິງຂັ້ນເສຍຊີວິດ.
ຊາ ເຄັງ ລັດຖະມົນຕີການຕ່າງປະເທດ ກຳປູເຈຍກ່າວວ່າ: ທາງການກຳປູເຈຍຊ່ວຍເຫລືອຄົນຕ່າງປະເທດປະມານ 856 ຄົນ ຈ່າກຄະດີຄ້່ມະນຸດ 87 ຄະດີ ລະຫວ່າງວັນທີ 1 ມັງກອນ -20 ສິງຫາ 2022 ແລະ ສົ່ງຕົວຜູ້ຕ້ອງສົງໄສ 17 ຄະດີ ຂື້ນສານແລ້ວ 60 ຄົນ.
ຜົນການສືບສວນ-ສອບສວນ ຂອງຄົນຕ່າງປະເທດໃຫ້ຮູ້ວ່າ: ຄົນຕ່າງປະເທດສ່ວນໃຫຍ່ຖືກຫລອກລວງຜ່ານສື່ສັງຄົມອອນລາຍໃຫ້ຂ້າມຊາຍແດນເຂົ້າໄປໃນກຳປູເຈຍຢ່າງຜິດກົດໝາຍ ດ້ວຍສັນຍາຂອງການເຮັດວຽກຈະໄດ້ຄ່າຕອບແທນສູງ.
ແຕ່ຖືກບັງຄັບໃຫ້ເຮັດວຽກໃນບໍລິສັດການພະນັນອອນລາຍຜິດກົດໝາຍ ແລະ ຕົກເປັນເຫຍື່ອຂອງການຄ້າມະນຸດ, ເຊິ່ງກຸ່ມອາດຊະຍາກອນໄດ້ລັກລອບຂົນຍ້າຍຈາກບໍລິສັດໜຶ່ງໄປອີກບໍລິສັດໜຶ່ງ ຫລື ຈາກກຸ່ມໜຶ່ງໄປອີກກຸ່ມໜຶ່ງ ແລະ ບາງຄັ້ງກໍຖືືກການໃຊ້ຄວາມຮຸນແຮງ ແລະ ຂົ່ມຂູ່ຖ້າຫາກບໍ່ເຊື່ອຟັງຄຳສັ່ງ.
ລາຍງານພິເສດຂອງອົງການສະຫະປະຊາຊາດລະບຸວ່າ: ປັດຈຸບັນກຳປູເຈຍໄດ້ຫັນປ່ຽນຈາກຕົ້ນທາງການຄ້າມະນຸດສູ່ປະເທດປາຍທາງວຂອງຂະຂະບວນດັ່ງກ່າວ ແລະ ສະເໜີໃຫ້ກຳປູເຈຍຕ້ອງມີມາດຕະການທີ່ເຂັ້ມງວດກວ່ານີ້.
ເພື່ອແກ້ໄຂບັນຫາ ເຊິ່ງອາດຈະນຳໃຊ້ກົດໝາຍວ່າດ້ວຍໂທລະຄົມມະນາຄົມມາເສີມ ລວມທັງການປະຕິບັດຕໍ່ຜ້ຖືກເຄາະຮ້າຍໃນລັກສະນະເປັນມິດ.
ທີ່ມາ: ລາວພັດທະນາ
