ຈີນ ເລີ່ມປັບຫລຸດລາຄາຂ່າຍຍ່ອຍ ນ້ຳມັນແອັດຊັງ-ກາຊວນ.
ຂປລ.ຕາມຂ່າວຈາກ ຊິນຮວາ,ຄະນະ ກຳມະການ ພັດທະນາ ແລະ ປະຕິຮູບ ແຫ່ງຊາດຈີນ ປະກາດ ປັບລາຄາ ຂາຍຍ່ອຍ ນ້ຳມັນ ແອັດຊັງ ແລະ ກາຊວນ ໃນວັນທີ10 ສິງຫານີ້ ຖືກປັບລົງ 130ຢວນຕໍ່ໂຕນ ແລະ 125 ຢວນຕໍ່ໂຕນ.
ຕາມລຳດັບ ຊຶ່ງເປັນການ ປັບລົງ ຄັ້ງທີ5 ຂອງປີນີ້ ເພື່ອເປັນການປັບຫລຸດ ຕົ້ນທຶນ ການເດີນທາງ ຂອງພາຫະນະຕ່າງໆ ແລະ ຕົ້ນທຶນ ການຂົນສົ່ງ ຂອງພາກທຸລະກິດ ຂົນສົ່ງ ຕື່ມອີກ.
ປັດຈຸບັນ ລາຄາ ນ້ຳມັນດິບ ສາກົນ ມີການປ່ຽນແປງ ຫລາຍກວ່າ 50ຢວນ ຕໍ່ໂຕນ ແລະ ຍັງຄົງ ລະດັບ ຮັກສາ ລະດັບ ດັ່ງກ່າວ ເປັນເວລາ ເຖິງ10ວັນ.
ລາຄາ ຜະລິດ ຕະພັນ ນ້ຳມັນກັ່ນແລ້ວ ເຊັ່ງແອັດຊັງ ແລະ ກາຊວນ ຂອງຈີນ ຈະປັບຕົວ ເຊັ່ນກັນ./.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
