ເດັກຍິງຍາກຈົນໃຊ້ຜ້າພັນແຜພັນຕີນ ແລ່ນແຂ່ງກິລາ ຊະນະຫຼຽນຄຳ 3 ລາຍການ.

ມື້ນີ້ເຮົາຈະຂໍນຳສະເໜີເລື່ອງລາວຊີວິດຂອງເດັກຍິງຄົນໜຶ່ງ ມີຊື່ວ່າ ລີອາ ບູລລອສ (Rhea Bullos) ສາວນ້ອຍໄວ 12 ປີ ຈາກປະເທດຟິລິບປິນ ທີ່ຄອບຄົບບໍ່ໄດ້ມີກຳລັງຊັບຫຼາຍ ລາວບໍ່ສາມາດຊື້ເກີບແລ່ນດີໆ ເພື່ອໃຊ້ສຳຫຼັບການແລ່ນແຂ່ງໄດ້ ລາວຈຶ່ງຫາໃຊ້ຂອງໃກ້ຕົວຢ່າງຜ້າພັນແຜພັນຫຸ້ມຕີນ ແທນເກີບ.

ໂດຍການແຂ່ງຂັນໃນຄັ້ງນີ້ເປັນການແຂ່ງຂັນງານກິລາລະຫວ່າງໂຮງຮຽນ ແລະ ລາວກໍ່ສາມາດແລ່ນດ້ວຍຜ້າພັນແຜແທ່ນເກີບແລ່ນ ແລະ ສາມາດຄວ້າລາງວັນຫຼຽນຄຳມາໃຫ້ໂຮງຮຽນຂອງລາວໄດ້ເຖິງ 3 ລາຍການທັງແລ່ນ 400 ແມັດ 800 ແມັດ ແລະ 1500 ແມັດ ທີ່ສຳຄັນນັ້ນລາວຍັງແຕ້ມໂລໂກ້ Nike ເອົາໄວ້ຢູ່ເກີບເພື່ອເປັນແຮງໃຈໃນການແລ່ນກ່ອນທີ່ຈະລົງແຂ່ງອີກດ້ວຍ.

ຫຼັງຈາກທີ່ເລື່ອງລາວຂອງລາວໄດ້ຖືກເຜີຍແຜ່ລົງເທິງໂລກອອນລາຍ ກໍ່ເອີ້ນວ່າເກີດການໄວຣັສ ແລະ ມີຜູ້ຄົນເຂົ້າມາສະແດງຄວາມຄິດເຫັນ ແລະ ຊື່ນຊົມຄວາມສາມາດຂອງເດັກຍິງເປັນຢ່າງຫຼວງຫຼາຍ ລວມໄປເຖິງຍັງແນະນຳວ່າ Nike ຄວນມອບເກີບໃຫ້ກັບລາວໜ້ອຍໜຶ່ງ ຖືວ່າເປັນຂອງຂວັນລາງວັນຫຼຽນຄຳນັ້ນເອງ.

Related Posts

Leave a Reply

Your email address will not be published. Required fields are marked *