ປີ 2021 ເປັນປີທອງຂອງບໍລິສັດ ສຸວັນນີ ໂຮມເຊັນເຕີ ຢ່າງແທ້ຈິງ.
ຮ້ານ ສຸວັນນີການຄ້າ ໄດ້ສ້າງຕັ້ງຂຶ້ນ ໃນປີ 1988 ໂດຍເລີ່ມມາຈາກ.
ທ່ານນາງ ສຸວັນນີ ໄດ້ເບິ່ງເຫັນເຖິງໂອກາດການຂະຫຍາຍຕົວຂອງ ສປປ ລາວໃນອະນາຄົດ ປະກອບກັບ ທ່ານ ວັດດານາ ໄດ້ສຳເລັດການສຶກສາດ້ານສະຖາປັດຕະຍະກຳ ແລະ ມີປະສົບການກ່ຽວກັບການກໍ່ສ້າງ ພ້ອມຍັງເປັນຊ່ວງທີ່ ສປປ ລາວ ກຳລັງເລີ່ມມີການເຕີບໃຫຍ່ຂະຫຍາຍຕົວດ້ານການ ກໍ່ສ້າງພື້ນຖານໂຄງລ່າງ. ສະນັ້ນ,
ຈຶ່ງໄດ້ເລີ່ມຕົ້ນດຳເນີນທຸລະກິດຈັດຈຳໜ່າຍວັດສະດຸກໍ່ສ້າງທົ່ວໄປ ເປັນຮ້ານຄ້າຂະໜາດໜຶ່ງຫ້ອງແຖວ ຈາກນັ້ນທຸລະກິດກໍ່ມີການເຕີບໃຫຍ່ຕະຫຼອດເລື່ອຍມາ
ຈົນຮອດປີ 2015 ບໍລິສັດ ສຸວັນນີ ໂຮມເຊັນເຕີ ສາມາດນຳບໍລິສັດຈົດທະບຽນໃນຕະຫຼາດຫຼັກຊັບລາວໄດ້ສຳເລັດແລະໃນປີ 2021 ຖືວ່າເປັນປີທອງຂອງບໍລິສັດ ສຸວັນນີ ຢ່າງແທ້ຈິງ ເນື່ອງຈາກຜົນການດຳເນີນງານບໍລິສັດດີສົມຄວນ ມາເບີ່ງຜົນການດຳເນີນງານໃນປີ 2021
– ລາຍຮັບຈາກກາຍຂາຍຢູ່ທີ່ 455,188 ລ້ານກີບ ລາຍຮັບເພີ່ມຂື້ນ 14.74% ທຽບປີທີ່ຜ່ານມາ ແລະ ເປັນລາຍຮັບສູງສຸດນັບແຕ່ຕັ້ງບໍລິສັດມາ
– ກຳໄລສຸດທິຢູ່ທີ່ 24,669 ລ້ານກີບ ເພີ່ມຂື້ນ 105% ທຽບປີທີ່ຜ່ານມາ ແລະ ກໍ່ຍັງເປັນກຳໄລສູງສຸດນັບຕັ້ງແຕ່ຕັ້ງບໍລິສັດມາ
– ຈ່າຍເງິນປັນຜົນ 50 ກີບຕໍ່ຮຸ້ນ ເປັນການຈ່າຍເງິນປັນຜົນສູງສຸດນັບແຕ່ຈົນທະບຽນເຂົ້າຕະຫຼາດຫຼັກຊັບລາວເປັນຕົ້ນມາ (ປີ 2015 ຈ່າຍ 45 ກີບ/ຮຸ້ນ,
ປີ 2016 ຈ່າຍ 20 ກີບ/ຮຸ້ນ, ປີ 2017 ຈ່າຍ 10 ກີບ/ຮຸ້ນ,
ປີ 2018 ຈ່າຍ 8 ກີບ/ຮຸ້ນ, ປີ 2019 ຈ່າຍ 16 ກີບ/ຮຸ້ນ ແລະ.
ປີ 2020 ຈ່າຍ 20.38 ກີບ/ຮຸ້ນ)ເຊີ່ງປັດໄຈທີ່ເຮັດໃຫ້ ບໍລິສັດ ສຸວັນນີ ມີຜົນການດຳເນີນງານອອກມາດີ ກໍ່ມາຈາກ.
1. ບໍລິສັດໄດ້ມີການເພີ່ມຄວາມຫຼາກຫຼາຍຂອງສິນຄ້າ ແລະ ມີການເພີ່ມຈຳນວນສິນຄ້າໃໝ່ໆເຂົ້າມາ2. ການ Lockdown ປະເທດເຮັດໃຫ້ປະຊາຊົນບໍ່ສາມາດນຳສິນຄ້າເຂົ້າມາດ້ວຍຕົວເອງໄດ້ ຈຳເປັນຕ້ອງຊື້ສິນຄ້າຈາກບໍລິສັດນຳເຂົ້າເທົ່ານັ້ນ ເຮັດໃຫ້ບໍລິສັດ ສຸວັນນີ ໄດ້ຮັບອານິສົງຈາກປັດໄຈນີ້ໄປນຳ.
3. ການຂະຫຍາຍສາຂາໃໝ່ເພີ່ມຂຶ້ນ ເຊິ່ງປະຈຸບັນມີຢູ່ 7 ສາຂາ ເຮັດໃຫ້ເຂົ້າເຖີງລູກຄ້າໄດ້ຫຼາຍຂື້ນ.
ຂໍ້ມູນຈາກ: LSX.
#10STORY #Souvanny.
