ບິນປອມ! ການສໍ້ໂກງອີກຮູບແບບໜຶ່ງທີ່ຄວນລະວັງ.

ບິນປອມ! ການສໍ້ໂກງອີກຮູບແບບໜຶ່ງທີ່ຄວນລະວັງ.

ທຸກມື້ນີ້ມີການຫຼອກເອົາເງິນ ແລະ ສິນຄ້າຫຼາກຫຼາຍຮູບແບບ ໜຶ່ງໃນນັ້ນກໍເປັນການປອມໃບບິນຈ່າຍເງິນ ຫຼື ບິນໂອນເງິນ, ຊ່ອງທາງອອນລາຍເເປັນອີກໜຶ່ງຊ່ອງທາງທີ່ຈະຂາຍສິນຄ້າຂອງຜູ້ປະກອບການ ເພາະສະດວຍສະບາຍ ແລະ ສາມາດຕອບໂຈດໃຫ້ທັນຍຸກທັນສະໄໝ.

ແຕ່ອີກດ້ານໜຶ່ງກໍເປັນຊ່ອງທາງໃຫ້ກັບມຶິດສາຊີບທີ່ຈະໂກງເຮົາໄດ້ ເພາະການຈ່າຍເງິນແມ່ນຕ້ອງໄດ້ຢືນຢັນດ້ວນການໃຫ້ໃບບິນເປັນການໂອນເງິນ ເຊິ່ງມັນສາມາດປອມແປງໄດ້ ເຊັ່ນ: ກໍລະນີທີ່ມີລູກຄ້າມາຂໍແລກປ່ຽນເງິນ ບາດ ເປັນກີບ,

ທາງລູກຄ້າກໍສົ່ງໄປຢັ້ງຢືນເປັນບິນການໂອນເງິນບາດໃຫ້ກັບທາງຜູ້ຮັບແລກປ່ຽນ ພ້ອມກັບໃຫ້ຜູ້ຮັບແລກປ່ຽນໂອນເງິນກີບໃຫ້ກັບລູກຄ້າຄົນນັ້ນ ແຕ່ກໍລະນີນີ້ແມ່ນເກືອບໂອນເງິນໄປ ເພາະເຫັນໃບບິນແລ້ວ ແຕ່ກໍບໍ່ໂອນໄປ ຍ້ອນຊື່ບໍຄືກັນ ເຮັດໃຫ້ຜູ້ຮັບແລກປ່ຽນຕ້ອງຢັ້ງຢືນໃຫມ່ ແຕ່ລູກຄ້າກໍຫານໄປເລີຍ.

ເຫດການແບບນີ້ສາມາດເກີດຂຶ້ນໄດ້ກັບທຸກສາຍອາຊີບ ລວມໄປເຖິງການປອມແປງຂໍ້ມູນສິນຄ້າຂອງບໍລິສັດຂົນສົ່ງກໍຍັງມີ, ສຳລັບເຫດການດັ່ງກ່າວ ທາງທີມງານອິນໄຊລາວ ກໍໄດ້ສອບຖາມຫຼາຍໆທະນາຄານ ສຳລັບວິທີການແກ້ໄຂຖ້າເຮົາເປັນຜຸູ້ເສຍຫາຍໃນກໍລະນີທີ່ພົບໃບບິນປອມ ແມ່ນທາງທະນາຄນາຈະບໍ່ສາມາດແກ້ໄຂໃຫ້ເຮົາໄດ້ໂດຍຕົງ ແລະ ໃຫ້ເຮົາດຳເນີນຄະດີ ຫຼື ແຈ້ງກັບທາງຕໍາຫຼວດເປັນການດີທີ່ສຸດ.

ເລື່ອງນີ້ອາດຈະສາມາດເຕືອນໄພ ໃຫ້ກັບຜູ້ຂາຍຂອງອອນລາຍໄດ້ຢ່າງດີ ທັງໃນເລື່ອງຂອງການກວສສອບໃບບິນ ແລະ ຂໍໍ້ມູນ ໃຫ້ຮອບຄອບ, ການໂອນເງິນກໍຄວນຕ້ອງມີລາຍລະອຽດໃຫ້ຖືກຕ້ອງ ເຮົາຈຶ່ງບໍ່ເກີດການສູນເສຍເງິນໃຫ້ກັບມິດສາຊີບ.

ຂ່າວຈາກ! Inside laos.

Related Posts

Leave a Reply

Your email address will not be published.