ຖ້າເຈົ້າຄິດວ່າ ” ໂຄວິດ ແມ່ນໄຂ້ຫວັດທຳມະດາ”ລອງອ່ານອາການຂອງຂ້ອຍຫຼັງຫາຍດີຈາກໂຄວິດ ອາທິດທີ2 .
(ຢໍ້າວ່າ ຫຼັງຈາກຫາຍດີຈາກໂຄວິດ ) ແລະ ອາການຂອງຫຼາຍໆຄົນທີ່ຫາຍດີເປັນເວລາດົນຫຼາຍເດືອນແລ້ວກໍຍັງຄົງເປັນຢູ່:
ຫາຍໃຈບໍ່ສະດວກ ໜັກຫົວ ສະໝອງເຮັດວຽກບໍ່ເຕັມທີ່ ມີຂີ້ເທີ່ຢູ່ທຸກມື້ ບາງມື້ວິນຫົວ ເຈັບຫົວ.
ຫຼົງໆລືມໆ ຕົກໃຈງ່າຍ (ຜ່ານມາບໍ່ແມ່ນຄົນຂີ້ຕົກໃຈ)
ນອນຫຼັບຍາກ ອອກກຳລັງກາຍໜັກບໍ່ໄດ້ ເຄື່ອນໄຫແຮງໆຈະລາຍຕາ ອ່ອນເພຍ ຢາກນອນຢູ່ຕະຫຼອດ.
ຄວາມວິຕົກ ກັງວົນ ຢ້ານ ແມ່ນຈະເກີດຂຶ້ນນຳແຕ່ລະຄົນບໍ່ຄືກັນ ບາງຄົນກໍຫາຍດີເປັນປົກກະຕິ ແຕ່ຫຼາຍໆຄົນກໍຍັງມີຄວາມກັງວົນເປັນຄັ້ງຄາວ ໂດຍບໍ່ຮູ້ສາເຫດ.
ແລະອາການອື່ນໆອີກຫຼາຍຢ່າງທີ່ຍັງຄ້າຍຄືເຮົາຕິດໂຄວິດຢູ່ ທັ້ງທີ່ບໍ່ມີເຊື້ອແລ້ວ.
ສຳລັບຂ້ອຍ ໂຄວິດ ກໍຄ້າຍຄືອຸບັດຕິເຫດ ເຮົາຫຼີກເວັ້ນບໍ່ໄດ້ຫາກມັນຈະເກີດ ແຕ່ຫາກມັນເກີດຍ້ອນຄວາມປະໝາດ ແລະ ເກີດຍ້ອນເຫດສຸດວິໄສຄວາມຮູ້ສຶກເຈັບທາງກາຍ ກັບ ເຈັບທາງໃຈ ມັນຕ່າງກັນຫຼາຍ.
ແລະ ຈາກນີ້ຊີວິດຂ້ອຍ ”ຕ້ອງ” ….ກວດເຊັກສະພາບປອດຄືນສະໝໍ່າສະເໝີ.
ຝຶກປອດ ຝຶກຫາຍໃຈ ເຊົ້າ~ແລງ ຝຶກສະມາທິ.
ກິນອາຫານທີ່ເສີມແຄລຊຽມ ວິຕາມິນ ສັງກະສີ ເສີມໂປຣຕີນຈາກທຳມະຊາດ ອາຫານເພື່ອສຸຂະພາບ (ຈາກທີ່ບໍ່ກິນໂລເລຢູ່ແລ້ວ ກໍຈະກິນອາຫານເພື່ອສຸຂະພາບຫຼາຍຂຶ້ນ)
ຕື່ນເຊົ້າໆມາອາບແດດຮັບວິຕາມິນ.
ບໍ່ກິນແນວເຢັນໆແລະຂ້ອຍຈະກັບມາແຂງແຮງຄືເກົ່າ ຂຶ້ນພູລົງຫ້ວຍໄດ້ແບບເກົ່າ ຕອນໃດ ຍັງບໍ່ຮູ້ …ຈະມີວີດີໂອແນະນຳການຮັກສາຕົວຢູ່ເຮືອນ ສຳລັບຄົນທີ່ມີອາການເບົາບາງມາໂພສ ໄວໆນີ້ວີດີໂອຝຶກປອດ ຝຶກຫາຍໃຈ ທີ່ຂ້ອຍເຮັດທຸກມື້ :
