ພົບແລ້ວກ່ອງດຳໜ່ວຍທີສອງຂອງຖ້ຽວບິນ MU5735 ຄາດຈະຮູ້ຜົນໄວໆນີ້.

ການຄົ້ນຫາຖ້ຽວບິນ MU5735 ທີ່ເກີດອຸບັດຕິເຫດ ເມື່ອວັນທີ 21 ມີນາຜ່ານມາທີ່ ກວາງຊີ ສປ ຈີນ ເຊິ່ງເຮັດຜູ້ຄົນທີ່ຢູ່ເທີງເຮືອບິນ 132 ຊີວິດຫາຍສາບສູນໄປກັບຍົນລຳດັ່ງກ່າວ ແລະຜົນຖະແຫຼງຫຼ້າສຸດຢືນຢັນວ່າທັງໝົດແມ່ນເສຍຊີວິດບໍ່ມີຜູ້ລອດ.

ຕາມລາຍງານໃໝ່ຫຼ້າສຸດນີ້ເວລາ 9 ໂມງ 20 ນາທີຂອງວັນທີ 27 ມີນານີ້, ກ່ອງດຳໜ່ວຍທີສອງຂອງຖ້ຽວບິນ MU5735 ໄດ້ຊອກພົບຢູ່ໃຕ້ໜ້າດິນເລິກ 1.5 ແມັດ ເຊິ່ງຫ່າງຈາກຈຸດເຮືອບິນຕົກໄປທິດຕາເວັນອອກ 40 ແມັດ.

ກ່ອງດຳອັນທີສອງເອີ້ນວ່າ Flight Data Recorder -FDR ເປັນກ່ອງບັນທຶກຂໍ້ມູນການບິນການບິນ.

ປະຈຸບັນ, ກ່ອງດໍາໜ່ວຍທີສອງໄດ້ຖືກສົ່ງໄປໃຫ້ຜູ້ຊ່ຽວຊານດ້ານການບິນ ເພື່ອດໍາເນີນການວິເຄາະໃນຂັ້ນຕໍ່ໄປ. ຕາມຂ່າວແຈ້ງວ່າ, ຈະໄດ້ສົ່ງກ່ອງດໍາໜ່ວຍນີ້ໄປນະຄອນຫຼວງປັກກິ່ງດ້ວຍຖ້ຽວບິນໃນເວລາ 13 ໂມງຂອງມື້ນີ້.

ສ່ວນກ່ອງທຳອິດແມ່ນໄດ້ຄົ້ນພົບເມື່ອວັນທີ 23 ມີນາຜ່ານມາ ເປັນກ່ອງ CVR ສຳລັບບັນທຶກສຽງໃຫ້ຫ້ອງຂັບ ຕອນນີ້ກຳລັງຢູ່ລະຫວ່າງການຖອດສຽງໃນຫ້ອງປະຕິບັດການທີ່ນະຄອນຫຼວງປັກກິ່ງ.

ກ່ຽວກັບການພິສູດເອກະລັກບຸກຄົນທີ່ຢູ່ເທິງຍົນນັ້ນ ມາຮອດມື້ນີ້ (27 ມີນາ 2022) ສາມາດຢັ້ງຢືນ “ເອກະລັກສັນຖານທາງວິທະຍາສາດບຸກຄົນຜູ້ສູນຫາຍໄດ້ແລ້ວຈຳນວນ 120 ຂອງຈຳນວນທັງໝົດ 132 ຄົນ (114 ຜູ້ໂດຍສານ 06 ລູກເຮຶອ).

ຄວາມຫວັງພັງທະລາຍ ການລໍຄອຍໄດ້ແຕ່ຝັນລູກຫຼານຄົນໃນຄອບຄົວທີ່ຂຶ້ນເຮືອບິນລຳດັ່ງກ່າວບໍ່ມີວັນກັບຄືນມາອີກ

Related Posts

Leave a Reply

Your email address will not be published.