ຊົມເຊີຍ ! ສາວແພດໝໍ ທັງສວຍທັງໃຈດີ ບໍລິຈາກເລືອດຊ່ວຍປະຊາຊົນ.

ການມີນໍ້າໃຈແບ່ງປັນຊ່ວຍເຫຼືອຜູ້ອື່ນ ແລະ ສັງຄົມ ຖືເປັນເລື່ອງທີ່ໜ້າຍິນດີ ແລະ ໜ້າຍົກຍ້ອງເປັນທີ່ສຸດ ເພາະເຊື່ອວ່າບໍ່ມີຫຍັງຈະສໍາຄັນໄປກວ່າການໄດ້ຊ່ວຍເຫຼືອເພື່ອນມະນຸດດ້ວຍກັນ ຄືດັ່ງກັບໝໍຄົນນີ້ ທັງງາມ,

ທັງເກັ່ງ ຈິດໃຈດີ ແລະ ມີຜົນງານໃຫ້ວົງການບັນເທີງໃຫ້ເຫັນຢ່າງຫຼວງຫຼາຍເລີຍເຊື່ອວ່າຍິງຄົນນີ້ຈະເປັນຕົວແບບແຫ່ງການໃຊ້ຊີວິດ ແລະ ຕົວແບບຂອງການເບິ່ງແຍງຕົນເອງຂອງໃຜຫຼາຍໆຄົນເລີຍກໍວ່າໄດ້.

ສໍາລັບຍິງຄົນເກັ່ງ ແຖມຈິດໃຈດີຄົນນີ້ກໍຄື ໝໍແນ່ງ ຈັນດາລີ ສິດພະໄຊ ນັ້ນເອງ ເຮົາຈະເຫັນຢູ່ສະເໝີວ່າ.

ໜໍແນ່ງແມ່ນມັກຈະອອກມາໃຫ້ການຊ່ວຍເຫຼືອສັງຄົມ ແລະ ຜູ້ຄົນມາໂດຍຕະຫຼອດດ້ວຍການແນະນໍາວິທີການເບິ່ງແຍງຕົນເອງ ໃນໄລຍະທີ່ມີການລະບາດຂອງພະຍາດໂຄວິດຕ່າງໆຄືດັ່ງກັບເທື່ອນີ້ທີ່ໝໍຄົນງາມແຖມໃຈບຸນ ເຫັນໄດ້ເຖິງຄວາມສໍາຄັນໃນການບໍລິຈາກເລືອດ ຫຼື ໃຫ້ເລືອດແກ່ຜູ້ທີ່ຈໍາເປັນ ແລະ ມີຄວາມຕ້ອງການ ເພື່ອຊ່ວຍຕໍ່ຊີວິດຂອງຜູ້ຄົນອີກຫຼາຍໆຄົນໃຫ້ສາມາດມີຊີວິດຢູ່ໄດ້ຕໍ່ໄປ.

ໂດຍໃນເທື່ອນີ້ ໝໍແນ່ງ ກໍໄດ້ໄປຮ່ວມບໍລິຈາກເລືອດ ເພື່ອຊ່ວຍຕໍ່ຊີວິດຂອງຜູ້ຄົນອີກຄັ້ງ ໂດຍໄດ້ມີການໂພສໃນເຟສບຸ໊ກສ່ວນຕົວຂອງຕົນເອງດ້ວຍຂໍ້ຄວາມທີ່ວ່າໍ:

“ ຄັ້ງທີ 11 ແລ້ວ ຂໍໃຫ້ເລືອດຖົງນ້ອຍນີ້ສ້າງປະໂຫຍດແກ່ຄົນເຈັບ ແລະ ໄດ້ຕໍ່ລົມຫາຍໃຈເນີ້ ( ແຕ່ບໍ່ຂີ້ດື້ຄືຜູ້ບໍລິຈາກລະພໍ ) ໃນໄລຍະລະບາດພະຍາດໂຄວິດ ເລືອດຍັງຂາດເນີ້ ໃຜແຂງແຮງ ແລະ ມີ ຄວາມພ້ອມຢ່າລືມໄປບໍລິຈາກນຳກັນເດີ້ ”.

ຈາກເລື່ອງລາວດີໆແບບນີ້ ທີມຂ່າວບັນເທີງກໍເລີຍຢາກສົ່ງຕໍ່ຄຸນງາມຄວາມດີໃຫ້ແຟນໆໄດ້ປື້ມໃຈໄປນໍາກັນ ແລະ ຕ້ອງສະແດງ ຄວາມຊົມເຊີຍມາຍັງໝໍແນ່ງພ້ອມຢາກເຊີນຊວນໃຫ້ສັງຄົມເອົາໝໍແນ່ງຄົນງາມ,

ຄົນດີ ຄົນນີ້ເປັນແບບຢ່າງໃນການເຮັດຄວາມດີດ້ວຍ ເຊື່ອວ່າຄວາມດີທີ່ໝໍແນ່ງໄດ້ເຮັດ ແຟນໆກໍຈະໄດ້ເຫັນ ບໍ່ແປກໃຈເລີຍທີ່ມີແຕ່ຄົນຮັກ ສະໜັບສະໜູນຜົນງານມາໂດຍດີຕະຫຼອດມາ.

Related Posts

Leave a Reply

Your email address will not be published.