ຖ້າເຮັດຜິດກົດຫມາຍກໍ່ບໍ່ລອດຫມົດອະນາຄົດ ຢາບ້າ 20.008 ເມັດ ໄອສ໌ 1 ຖົງ ຫມົດອານາຄົດ.

ຖ້າເຮັດຜິດກົດຫມາຍກໍ່ບໍ່ລອດຫມົດອະນາຄົດ ຢາບ້າ 20.008 ເມັດ ໄອສ໌ 1 ຖົງ ຫມົດອານາຄົດ ຜູ້ຖືກຫາ ອາຍຸ 19ປີ ຂັບລົດວີໂກ້ໄປສົ່ງຢາເສບຕິດ ຖືກຈັບພ້ອມຂອງກາງຢາບ້າ 20.008 ເມັດ ແລະ ຢາໄອສ໌1 ຖົງນ້ອຍທ້າວ ລັດສະໝີ ຫຼື ລັດ ອາຍຸ 19 ປີ ໄດ້ຂັບລົດໂຕໂຍຕ້າວີໂກ້ອອກຈາກບ້ານປາກທ້າງ ເມືອງສີໂຄດຕະບອງ ເພື່ອຈະໄປສົ່ງຢາບ້າ ແລະ ຢາໄອສ໌ ຢູ່ເຂດເມືອງຫາດຊາຍຟອງ ນະຄອນຫຼວງວຽງຈັນ ພໍໃກ້ຈະຮອດຈຸດນັດໝາຍສົ່ງຢາ ໄດ້ຖືກເຈົ້າໜ້າທີ່ກັກຕົວຂອງກາງຢາບ້າ 20.008 ເມັດ,

ຢາໄອສ໌ 1 ຖົງນ້ອຍ.ພັທ ທັດສະພົງ ຫວັນມະນີຈັນ ຮອງຫົວໜ້າກອງບັນຊາການ ປກສ ເມືອງຫາດຊາຍຟອງ ໃຫ້ຮູ້ວ່າ: ພາຍຫຼັງເຈົ້າໜ້າທີ່ ປກສ ເມືອງຫາດຊາຍຟອງ ສືບຮູ້ວ່າ ຈະມີກຸ່ມຄົນນັດສົ່ງຢາເສບຕິດໃນວັນທີ 2 ມີນາ 2022, ທີ່ຜ່ານມາ ຈຶ່ງມອບ ໝາຍໃຫ້ເຈົ້າໜ້າທີ່ໜ່ວຍງານວິຊາສະເພາະ ພະແນກຕຳຫຼວດ ປກສ ເມືອງລົງແກ້ໄຂເປົ້າໝາຍຄ້າ-ຂາຍຢາເສບຕິດຢູ່ເສັ້ນທາງເຂດບ້ານນາໄຫ ເມືອງຫາດຊາຍຟອງ ນະຄອນຫຼວງວຽງຈັນ.

ພໍຮອດເວລາ 11:10 ໂມງ ໄດ້ມີລົດກະບະວີໂກ້ ສີປອນຂັບຂີ່ມາແຕ່ບ້ານສາລາຄຳ ມຸ່ງໜ້າໄປບ້ານນາໄຫ. ເຈົ້າ ໜ້າທີ່ ຈຶ່ງສັ່ງໃຫ້ຢຸດກວດຄົ້ນລົດພົບຂອງກາງຢາບ້າຈຳນວນ 20.008 ເມັດ, ຢາໄອສ໌ 1 ຖົງ ນ້ອຍ, ປືນສັ້ນຈຳນວນ 1 ບອກ ພ້ອມລູກປືນ 3 ລູກ ພ້ອມທັງກັກຕົວຜູ້ຖືກຫາຊື່ ທ້າວ ລັດສະໝີ ຫຼື ລັດ ວ່າງງານ ຢູ່ບ້ານປາກທ້າງ ເມືອງສີໂຄດຕະບອງ ນະຄອນຫຼວງວຽງຈັນ ມາສອບສວນຂະຫຍາຍຜົນ.

ຜ່ານການສອບສວນຂະຫຍາຍຜົນ, ຜູ້ກ່ຽວໄດ້ຊັດທອດຫາຜູ້ຮ່ວມຂະບວນ ການດຽວກັນຈໍານວນໜຶ່ງ,

ພໍຮອດເວລາ 12:10 ໂມງ ຂອງວັນດຽວກັນ ຈຶ່ງສາມາດກັກຕົວຜູ້ຮ່ວມຂະບວນການໄດ້ອີກ 1 ຄົນຢູ່ປໍ້ານໍ້າມັນແຫ່ງໜຶ່ງ ເຂດບ້ານປາກທ້າງ ເມືອງສີໂຄດຕະບອງ ນະຄອນຫຼວງວຽງຈັນ ຊື່ ທ້າວ ວໍລະກອນ ຫຼື ແຊັມ ອາຍຸ 22 ປີ ວ່າງງານ ຢູ່ບ້ານໜອງແຕ່ງ ເມືອງສີໂຄດຕະບອງ ນະຄອນຫຼວງວຽງຈັນ ແລະ ຮອດເວລາ 14:00 ໂມງຂອງວັນດຽວກັນ ຈຶ່ງສາມາດກັກຕົວຜູ້ຮ່ວມຂະບວນການດຽວກັນໄດ້ອີກຢູ່ຂ້າງວັດອົງຕື້.

ຊື່: ທ້າວ ວິລະກອນ ຫຼື ໃຫ່ຍ ອາຍຸ 21 ປີ ວ່າງງານ ຢູ່ບ້ານໜອງດ້ວງເໜືອ ເມືອງສີໂຄດຕະບອງ ນະຄອນຫຼວງວຽງຈັນ ມາສອບສວນ-ສືບສວນຂະຫຍາຍຜົນຫາກຸ່ມແກ້ງຮ່ວມຂະບວນການດຽວກັນມາດໍາເນີນຄະດີອີກ.

ຂໍ້ມູນຈາກ:ປກສ. ນະຄອນຫລວງ.

Related Posts

Leave a Reply

Your email address will not be published.