ຄົນວົງການບັນເທີງ ລວມຕົວກັນໃນຮອບ 20 ປີສົ່ງແຕງໂມຂຶ້ນສະຫວັນ.

ໃນທ່າມກາງຄວາມເສຍໃຈ ແລະຄິດເຖິງຈາກເພື່ອນໆໃນວົງການບັນເທີງ ລວມເຖິງແຟນຄັບທີ່ຕິດຕາມຜົນງານ ແລະຄວາມເຄົາລົບຮັກ ຄວາມຮູ້ສຶກຈຸກເລີກໆຈາກຫົວໃຈຈາກເຫດການດາລາສາວແຕງໂມຖືກພັດຕົກແມ່ນ້ຳເຈົ້າພະຍາ ແລະໄດ້ເສຍຊີວິດລົງ.ເຊິ່ງພິທີງານໄວ້ອາໄລຈະຈັດຂຶ້ນໂບດຄຣິດທະຈັກເສລີພາບ ກຸງເທບ ໃນວັນທີ 11-12-13 ມີນາ 2022 ນີ້.

ຫຼ້າສຸດສາວເຊຍ ໄດ້ໂພສພາບແກ້ງໝູ່ຈາກລະຄອນເລື່ອງໜຶ່ງຂອງທາງຊ່ອງ 7 ທີ່ແຈ້ງເກີດ ແລະສ້າງຊື່ສຽງໃຫ້ຄົນໃນວົງການບັນເທີງຫຼາຍໆຄົນລວມທັງສາວແຕງໂມ ນິດາ ເຊິ່ງພາບນີ້ຖືເປັນການລວມຕົວກັນຂອງເຫຼົ່ານັກສະແດງໃນຮອບ 20 ປີ ເພື່ອສະແດງຄວາມຮັກທີ່ມອບໃຫ້ດາລາສາວຜູ້ລ່ວງລັບ.

ໃນນັ້ນ ໜຸ່ມຊີສີວັດ ໄພ່ ພາທິດ, ຈຽບຊົມພູນຸດ ຟ້ຽວຟ້າວ ແລະຄົນອື່ນໆ ມາຢືນລ້ອມຮູບຂອງດາລາສາວແຕງໂມ ເພື່ອສະແດງຄວາມອົບອຸ່ນຕໍ່ໝູ່ຄົນໜຶ່ງໃນວົງການບັນເທີງທີ່ໄດ້ຈາກໂລກນີ້ໄປແລ້ວ.

ແນ່ນອນເຫັນພາບແບບນີ້ ເຮັດໃຫ້ແຟນໆຜູ້ຮັກ ແະຕິດຕາມຜົນງານຂອງແຕງໂມຊຶ້ງນ້ຳຕາຕົກ ເຖິງວ່າທີ່ຜ່ານມາຕອນທີ່ຍັງມີຊີວິດຢູ່ ຈະເປັນແບບໃດກໍ່ຕາມແຕ່ມື້ສຸດທ້າຍຂອງຊີວິດຍັງມີຄົນທີ່ຮັກອາໄລຫາມາສົ່ງດ້ວຍຄວາມຄິດເຖິງ.

ສາວເຊຍບອກວ່າທຸກຄົນທີ່ມາຮ່ວມງານຄັ້ງນີ້ ເປັນການນັດກັນໃນຮອບ 20 ປີ ເພື່ອແຕງໂມໂດຍສະເພາະ ຄິດເຖິງໃນວັນເກົ່າໆທີ່ດາລາສາວຍັງມີຊີວິດຢູ່ ທຸກຄົນມີຄວາມຊົງຈຳດີໆນຳກັນຕອນນັ້ນ ແລະຕອນນີ້ໄດ້ແຕ່ມາສັ່ງລາບໍ່ມີແບບນັ້ນອີກແລ້ວ.

ແຟນແຕງໂມຄົນສຸດທ້າຍຂອງຊີວິດ ຮັກສຸດຫົວໃຈ ເບິ່ງແຍງງານສຸດທ້າຍຂອງຄົນທີ່ຮັກໃຫ້ດີທີ່ສຸດ ເພື່ອໃຫ້ແຟນໄດ້ຈາກໄປຢ່າງສະຫງົບຫົວໃຈ.

Related Posts

Leave a Reply

Your email address will not be published.