ໂຮງງານໄຟຟ້ານິວເຄລຍໃຫຍ່ທີ່ສຸດຂອງເອຣົບ ໄດ້ເກີດໄຟໄໝ້ ຫຼັງຈາກຖືກຍິງລະເບີດ.

ຕາມການລາຍງານຂອງສຳນັກຂ່າວ AP News ໃຫ້ຮູ້ວ່າ: ກອງກຳລັງຣັດເຊຍບຸກໂຈມຕີເມືອງຢູເຄນ ທີ່ຜະລິດພະລັງງານທີ່ສຳຄັນ ໂດຍທຳລາຍໂຮງງານໄຟຟ້ານິວເຄລຍທີ່ໃຫຍ່ທີ່ສຸດໃນເອີຣົບເມື່ອວັນສຸກທີ່ຜ່ານມາ, ເຮັດໃຫ້ເກີດໄຟໄໝ້ ແລະ ເຮັດໃຫ້ເກີດສານເຄມີອາດຮົ່ວໄຫຼອອກຈາກໂຮງງານໄຟຟ້າທີ່ເສຍຫາຍ.

ການໂຈມຕີເມືອງ Enerhodar ທາງຕະວັນອອກ ແລະ ໂຮງງານໄຟຟ້ານິວເຄຍ Zaporizhzhia ເກີດຂຶ້ນເມື່ອການບຸກຮຸກເຂົ້າສູ່ອາທິດທີສອງໂດຍກອງກຳລັງຣັດເຊຍເຂົ້າປົກຄອງເພື່ອພະຍາຍາມຕັດປະເທດອອກຈາກທະເລ ສຳລັບການເຈລະຈາຮອບທີ 2 ລະຫວ່າງທັງສອງຝ່າຍເຮັດໃຫ້ເກີດຂໍ້ຕົກລົງເບື້ອງຕົ້ນໃນການຈັດຕັ້ງແນວທາງທີ່ປອດໄພໃນຢູເຄຣນ ເພື່ອອົບພະຍົບເຄື່ອນຍ້າຍປະຊາຊົນ ແລະ ສົ່ງມອບການຊ່ວຍເຫຼືອດ້ານມະນຸດສະທຳ.

ທ່ານ Andriy Tuz ໂຄສົກຂອງໂຮງງານນີວເຄລຍ ກ່າວຜ່ານໂທລະພາບຂອງຢູເຄຣນວ່າ: ລູກປືນຕົກຈາກໂຮງງານ ແລະ ໄຟລຸກຂຶ້ນເຜົາໜຶ່ງໃນຫົກເຕົາປະຕິກອນ. ທ່ານຍັງກ່າວຕື່ມວ່າ: ເຕົາດັ່ງກ່າວແມ່ນພວມຢູ່ໃນລະຫວ່າງການຊ້ອມແປງ ແລະ ບໍ່ໄດ້ດຳເນີນການ ແຕ່ມີນໍ້າມັນນິວເຄລຍຢູ່ພາຍໃນ, ອີກຢ່າງໜຶ່ງນັກດັບເພີງບໍ່ສາມາດເຂົ້າໄປໃກ້ກັບແປວໄຟໄດ້ຍ້ອນພວກເຂົາຖືກຍິງ.

ລັດຖະມົຕີການຕ່າງປະເທດຢູເຄລນໄດ້ໂພລໃນທະເວີເຕີ ຮຽກຮ້ອງໃຫ້ຣັດເຊຍຢຸດການໂຈມຕີ ແລະ ອະນຸຍາດໃຫ້ເຈົ້າໜເາທີ່ດັບເພີງເຂົ້າໄປໃນພື້ນທີໄດ້.

ທ່ານ Andriy Tuz ກ່າວໃນຖະແຫຼງການວິດີໂອ ວ່າ:  “ພວກເຮົາຮຽກຮ້ອງໃຫ້ພວກເຂົາຢຸດການຍິງອາວຸດໜັກ ເຊິ່ງຈະເປັນໄພຂົ່ມຂູ່ທີ່ແທ້ຈິງຂອງອັນຕະລາຍນິວເຄລຍໃນສະຖານີພະລັງງານປະລໍາມະນູທີ່ໃຫຍ່ທີ່ສຸດໃນເອີຣົບ.”

laopost.com

Related Posts

Leave a Reply

Your email address will not be published. Required fields are marked *