ອອກມາຊີ້ແຈງ ເລື່ອງຜິດພາດຜົນອອກຫວຍງວດທີ 23 ເມື່ອວັນທີ 25 ກຸມພາ 2022

ແຈ້ງການໂທລະພາບແຫ່ງຊາດລາວ ຂໍຖືເປັນກຽດຢ່າງສູງ ຮຽນມາຍັງບັນດາທ່ານຜູ້ສ່ຽງໂຊກຊິງລາງວັນ ກັບທາງ ບໍລິສັດ ລັດວິສາຫະກິດ ຫວຍພັດທະນາ ໃນຂອບເຂດທົ່ວປະເທດ..

ເພື່ອຂໍອະໄພໃນຄວາມ ຜິດພາດຂອງຜູ້ຮັບຜິດຊອບປ້ອນຂໍ້ມູນຜົນອອກເລກລາງວັນຫວຍພັດທະນາຂຶ້ນຫນ້າຈໍໂທລະພາບ ເຮັດ ໃຫ້ເກີດຄວາມເຂົ້າໃຈຜິດຕໍ່ຜູ້ສ່ຽງໂຊກຊິງລາງວັນ,

ໃນງວດທີ 23 ອອກຄັ້ງວັນສຸກ ທີ 25 ກຸມພາ 2022 ທີ່ຜ່ານມານັ້ນ,ຊຶ່ງຜົນການອອກເລກລາງວັນຫວຍພັດທະນາ ເລກ 6 ໂຕ ໃນງວດດັ່ງກ່າວ ແມ່ນ 978347 ບໍ່ແມ່ນ 987347 ພວກເຮົາຂໍຢືນຢັນວ່າ ໄດ້ມີການບັນທຶກ ແລະ ເຊັນຢັ້ງຢືນ ຮັບຮອງຈາກຄະນະກໍາມະການຄຸ້ມຄອງການອອກເລກລາງວັນຂັ້ນສູນກາງທີ່ຖືກຕ້ອງຢ່າງແທ້ຈິງ.

ດັ່ງນັ້ນ ໂທລະພາບແຫ່ງຊາດລາວ ຈຶ່ງຂໍແຈ້ງມາຍັງທ່ານເພື່ອຊາບ ແລະ ຂໍອະໄພໃນຄວາມ ຜິດພາດ ໃນຄັ້ງນີ້ດ້ວຍ.

Related Posts

Leave a Reply

Your email address will not be published.