ຂຶ້ນຫຼັງເສືອແລ້ວລົງຍາກ ປິ່ນປົວ 3 ຄັ້ງ ຍັງເລືອກເສັ້ນທາງເກົ່າ”

“ຂຶ້ນຫຼັງເສືອແລ້ວລົງຍາກ ປິ່ນປົວ 3 ຄັ້ງ ຍັງເລືອກເສັ້ນທາງເກົ່າ”

ເວລາ 10:30 ໂມງ, 2 ກຸມພາ 2022 ປກສ ກຸ່ມບໍ່ໂອ ເມືອງຫາດຊາຍຟອງ ນະຄອນຫຼວງວຽງຈັນ ໄດ້ເຂົ້າກັກໂຕເປົ້າໝາຍ ທ້າວ ບຸນທະວີ ຢູ່ບ້ານກາງ ໃນຂໍ້ກ່າວຫາ ການກັບຄືນມາເສບຢາໃໝ່. ເຊັກປະຫວັດຜ່ານມາ ເຄີຍປິ່ນປົວ 3 ຄັ້ງ, ແຕ່ກໍຍັງເດີນທາງ ສາຍຢາບ້າ ຄືເກົ່າ.

ທ້າວ ບຸນທະວີ ມີປະຫວັດພົວພັນເສບສິ່ງເສບຕິດປະເພດຢາບ້າມາແຕ່ປີ 2011 ແລະ ປີ 2012 ຄອບຄົວຜູ້ປົກຄອງເຄີຍນຳຕົວໄປປິ່ນປົວ ແລະ ຟື້ນຟູສຸຂະພາບ ຢູ່ສູນປີ່ນປົວ ແລະ ຝຶກວິຊາຊີບ ຜູ້ຕິດຢາເສບຕິດ (ສົມສະຫງ່າ ) ນວ 2 ຄັ້ງ ແລະ ປີ 2013 ໄດ້ນຳຕົວໄປດັດສ້າງ ຢູ່ດອນສາຍນໍ້າເງິນ ເປັນເວລາ 5 ປີ.

ພາຍຫຼັງໄດ້ຮັບອິດສະຫຼະພາບປ່ອຍຕົວກັບສູ່ຄອບຄົວ ປີ 2018 ຄິດວ່າຈະເປັນຄົນດີ ຜູ້ກ່ຽວຍັງເລືອກເດີນທາງສ່ຍຢາບ້າຄືເກົ່າ ໂດຍໄດ້ກັບຄືນມາເສບຢາບ້າອີກໃໝ່ ເສບມື້ລະ 4 ຫາ 5 ເມັດ, ຕົກມາຮອດ ທ້າຍປີ 2021 ແຮງຫນັກກວ່າເກົ່າ ທັງເສບມາເສບ ແລະ ຂາຍ ຄັ້ງລະ 200 ເມັດ.

ຕົກມາຮອດວັັນທີ 2 ກຸມພາ 2022 ຈຶ່ງຖືກເຈົ້າໜ້າທີ່ ປກສ ກຸ່ມບໍ່ໂອ ເຂົ້າຈັບຕົວພ້ອມຂອງກາງ ຢາບ້າ 165 ເມັດ.

Related Posts

Leave a Reply

Your email address will not be published.