ນ້ອງບີມ ສູ້ຊີວິດເຮັດວຽກແລກຄ່າເທີມຝັນຢາກຮຽນສູງໆ ພໍ່ແມ່ສອນສະເໝີວ່າລູກຕ້ອງເພິ່ງພາຕົວເອງໃຫ້ໄດ້ເດີ້

ນ້ອງບີມ ນາງສາວ ນັກຮຽນຊັ້ນມັດທະຍົມສຶກສາປີທີ່ 4 ໂຮງຮຽນບໍ່ເກືອ ອໍເພີບໍ່ເກືອ ຈັງຫວັດນ່ານ ພໍ່ແມ່ສອນສະເໝີວ່າລູກຕ້ອງເພິ່ງພາຕົວເອງໃຫ້ໄດ້ເດີ້ ຢ່າໄປພະຍາຍາມເພິ່ງຄົນອື່ນ ຄອບຄົວຂອງບີມເປັນຊາວໄທພູເຂົາເຜົ່າລົວະ

ພໍ່ກັບແມ່ນ້ອງບີມເຮັດໄຮ່ເຮັດນາລ້ຽງລູກ 3 ຄົນ ຫຼັງລະດູເກັບກ່ຽວຈະໄປຊອກວຽກເຮັດຕ່າງອຳເພີເພາະໃນທ້ອງຖິ່ນບໍ່ຄ່ອຍມີງານຮັບຈ້າງ ບີມກັບອ້າຍຕ້ອງຢ່າງໄປໂຮງຮຽນເປັນໄລຍະທາງກ່ວາ 10 ກິໂລແມັດຕໍ່ມື້

ແລະຈະຊ່ວຍກັນເຮັດວຽກເທົ່າທີ່ກຳລັງຂອງແຕ່ລະຄົນຈະສາມາດເຮັດໄດ້ ຄອບຄົວທີ່ຍາກຈົນມີຄວາມຫວັງຫຼາຍຂຶ້ນເມື່ອອ້າຍຂອງບີມກຳລັງຈະໄດ້ຮຽນຕໍ່ປະລິນຍາຕີ ແຕ່ໂຊກຊະຕາກັບເຮັດໃຫ້ໄປໄດ້ບໍ່ເຖິງຝັນ

ບີມເສຍອ້າຍໄປເພາະເກີດອຸບັດຕິເຫດເມື່ອ 4 ປີກ່ອນ ຄອບຄົວພະຍາຍາມຕັ້ງຫຼັກສູ້ທັງທີ່ກຳລັງໃຈຫົດຫາຍ ບີມຍັງມີໂອກາດໄດ້ຮຽນຕໍ່ຊັ້ນ ມ.4 ແລະລາວເລືອກຮຽນທີ່ໂຮງຮຽນບໍ່ເກືອ

….ເພາະເປັນໂຮງຮຽນທີ່ຢູ່ໃກ້ເຮືອນທີ່ສຸດ (ຫ່າງຈາກເຮືອນ 30 ກິໂລແມັດ) ໂດຍບີມຈະອາໄສທີ່ຫໍພັກຂອງໂຮງຮຽນເພື່ອປະຫຍັດຄ່າອາຫານແລະຄ່າເດີນທາງ

….ລາວຈະກັບມາຊ່ວຍວຽກພໍ່ແມ່ທຸກວັນສຸກແລະວັນຫຍຸດຈະໄດ້ຊ່ວຍແມ່ດູແລນ້ອງຊາຍໄວ 11 ປີອີກດ້ວຍ ບີມຄອຍແບ່ງເບົາພາລະຂອງພໍ່ແມ່ ທັງເຮັດນາ ລ້ຽງຄວາຍ ເຮັດໄຮ່ເຂົ້າໂພດ ແລະ ເຮັດສວນ

…ວຽກເຫຼົ່ານີ້ເຖິງຈະອິດເມື່ອຍແຕ່ເຮັດໃຫ້ລາວໄດ້ຮຽນຮູ້ທີ່ຈະເພິ່ງພາຕົວເອງ ບີມຕ້ອງສູ້ຕໍ່ໄປເພາະລາວມີເປົ້າໝາຍສຳຄັນຄືການໄດ້ຮຽນຕໍ່ດ້ານວິທະຍາສາດສຸຂະພາບ ເຊິ່ງໄດ້ແຮງບັນດານໃຈມາຈາກອ້າຍຂອງລາວ

….ແລະເພາະເຫັນສະພາບຄວາມເປັນຢູ່ຂອງພື້ນທີ່ໃນໝູ່ບ້ານທີ່ຢູ່ຫ່າງໄກຈາກສະຖານພະຍາບານ ບີມຈຶ່ງຢາກເປັນສ່ວນໜຶ່ງທີ່ສາມາດຊ່ວຍເຫຼືອຄອບຄົວແລະຊາວບ້ານໄດ້ໃນຍາມສຸກເສີນເຖິງຈະຢູ່ກັນຢ່າງລຳບາກ

ແລະພໍ່ບອກວ່າອາດຈະສົ່ງເສຍໃຫ້ຮຽນໄດ້ແຕ່ຈົບຊັ້ນ ມ.6 ເທົ່ານັ້ນແຕ່ບີມຕັ້ງໃຈແລ້ວວ່າລາວຈະດິ້ນຮົນໃຫ້ເຖິງທີ່ສຸດເພື່ອຄວາມສຸກສະບາຍຂອງພໍ່ແມ່ແລະເພື່ອອະນາຄົດຂອງນ້ອງຊາຍ

Related Posts

Leave a Reply

Your email address will not be published.