ສຸດຍອດ ! ນັກບິນ ອາຍຸ 19 ປີ ຂັບເຮືອບິນເດີນທາງອ້ອມໂລກຄົນດຽວ ດ້ວຍເວລາພຽງ 5 ເດືອນ

ສຸດຍອດ ! ນັກບິນ ອາຍຸ 19 ປີ ຂັບເຮືອບິນເດີນທາງອ້ອມໂລກຄົນດຽວ ດ້ວຍເວລາພຽງ 5 ເດືອນ !!!ເມື່ອວັນຈັນທີ່ຜ່ານມາ (24 ມັງກອນ 2022)Zara Rutherford ນັກບິນປະເທດເບລຢຽມ ອາຍຸ 19 ປີ ໄດ້ສ້າງສະຖິຕິໂລກເປັນຂອງຕົວເອງ ດ້ວຍການເປັນນັກບິນອາຍຸນ້ອຍທີ່ສຸດ ທີ່ໄດ້ເດີນທາງອ້ອມໂລກດ້ວຍເຮືອບິນບ່ອນນັ່ງດຽວໄດ້ສຳເລັດ ໃນເວລາພຽງ 155 ວັນ ຫຼື ປະມານ 5 ເດືອນເທົ່ານັ້ນ ໂດຍໄລຍະການເດີນທາງຫຼາຍກວ່າ 52,000 ກິໂລແມັດ ແລະ ລົງຈອດພັກຫຼາຍເຖິງ 5 ທະວີບ

ໃນການເດີນທາງຮອບດຽວ ຄອບຄົວຂອງ Zara ນັ້ນມີຄວາມເປັນນັກບິນຢູ່ໃນສາຍເລືອດທຸກຄົນ ພໍ່ ແລະ ແມ່ຂອງລາວເປັນນັກບິນ ແລະ ລາວກໍ່ປະທັບໃຈໃນສິ່ງນີ້ຕັ້ງແຕ່ຍັງເປັນເດັກນ້ອຍໆ ຈົນລາວໄດ້ມີໂອກາດໄດ້ຂຶ້ນບິນໄລຍະສັ້ນຄົນດຽວ ໃນໄວພຽງ 14 ປີ ແລະ ຈາກນັ້ນກໍ່ໄດ້ເກັບກ່ຽວປະສົບການມາເລື້ອຍໆ ຈົນສອບເສັງໄດ້ໃບອະນຸຍາດໃນປີ 2020

ໂດຍຫຼັງຈາກນັ້ນ ລາວກໍ່ເລີ່ມຢາກຈະບິນອ້ອມໂລກຄົນດຽວຈັກຄັ້ງ ເຖິງແມ່ນວ່າມັນຈະເປັນເລື່ອງທີ່ອັນຕະລາຍສຸດໆ ດ້ວຍສະພາບອາກາດທີ່ບໍ່ແນ່ນອນ ແລະ ການໄຮ້ເຊິ່ງຜູ້ຊ່ວຍເຫຼືອໃກ້ສິດ ແຕ່ Zara ລາວກໍ່ສາມາດເຮັດໄດ້ຈົນສຳເລັດ ແລະ ໄດ້ຈາລຶກຊື່ຕົວເອງລົງເທິງ Guinness Book of World Records ໃນຖານະນັກບິນສາຍເລືອດໃໝ່ທີ່ເດີນທາງອ້ອມໂລກ ໄດ້ຢ່າງໜ້າພູມໃຈ

ທ່າມກາງການສະໜັບສະໜູນຈາກຄອບຄົວ ແລະ ຜູ້ທີ່ພົບເຫັນ Credit: https://www.today.com/news/good-news/19-year-old-just-became-youngest-woman-fly-solo-world-rcna12890https://www.dek-d.com/board/view/4049177

Related Posts

Leave a Reply

Your email address will not be published.