ຈັບໄດ້ແລ້ວໂສມໜ້າຕຳຄົນເສຍຊີວິດຕຳແລ້ວໜີ

ພັທ ວິລະພົງ ສະເໜ່ຫາ ຫົວໜ້າພະແນະຈະລາຈອນນະຄອນຫຼວງວຽງຈັນ

ໄດ້ຖະແຫຼງໃນວັນທີ 27 ມັງກອນ 2022 ໃຫ້ຮູ້ວ່າ: ໃນເວລາ 9 ໂມງ 30 ນາທີ ຂອງວັນທີ 24 ມັງກອນ 2022 ຢູ່ຖະຫນົນ 450 ປີ ເຂດບ້ານນາແຄຄໍາ ເມືອງໄຊທານີ ນະຄອນຫຼວງວຽງຈັນ ໄດ້ມີອຸບັດຕິເຫດລົດຍົນບໍ່ຮູ້ຍີ່ຫໍ່ ແລະ ປ້າຍທະບຽນ ຂັບຂີ່ມາແຕ່ທາງ 4 ແຍກໄຟແດງດົງໂດກ ມຸ້ງຫນ້າໄປທາງບ້ານໂຊກໃຫຍ່ ພໍມາຮອດເຂດບ້ານນາແຄຄໍາ ຈຶ່ງໄດ້ຕໍາເອົາທ້າຍລົດຈັກເວບຈີນ ຄັນຫມາຍເລກ ຈກ 6350 ຂັບຂີ່ໂດຍ ນາງ ຕຽງຄໍາ ອາຍຸ 64 ປີ ພະນັກງານບໍານານ ຢູ່ບ້ານຊ້າງຄູ້ ເມືອງໄຊທານີ ນະຄອນຫຼວງວຽງຈັນ ທີ່ໄດ້ຂັບຂີ່ລົດໄປທິດທາງດຽວກັນກັບລົດຍົນ.

ພາຍລັງເກີດອຸປະຕິເຫດແລ້ວ ແມ່ນໄດ້ເຮັດໃຫ້ຜູ້ຂັບຂີ່ລົດຈັກເສຍຊີວິດຄາທີ່, ສ່ວນລົດຄັນທີ່ກໍ່ເຫດແມ່ນ ໄດ້ຂັບຂີ່ຫຼົບຫນີໄປທາງບ້ານໂຊກໃຫຍ່.

ຜ່ານການລົງສືບສວນ-ສອບສວນ ເກັບກໍາຂໍ້ມູນພະຍານຫຼັກຖານ ແລະ ຕິດຕາມໄລ່ລຽງເວລານໍາກ້ອງວົງຈອນປິດນໍາເຮືອນຂອງປະຊາຊົນ ແລະ ສະຖານີ 1191 ທາງເຈົ້າຫນ້າທີ່ພວກເຮົາຈຶ່ງສາມາດນໍາຈັບຜູ້ຂັບຂີ່ ພ້ອມດ້ວຍລົດຍົນຄັນທີ່ກໍ່ເຫດຕໍາບໍ່ຢຸດຈອດໄດ້ ໃນຄັ້ງວັນທີ 25 ມັງກອນ 2022 ຄື:

ຜູ້ຂັບຂີ່ລົດຍົນ ຊື່ ທ້າວ ວຽງສະຫວັນ ຊີນນະວົງ ອາຍຸ 31 ປີ, ສັນຊາດລາວ ອາຊີບກໍາມະກອນ ປະຈຸບັນຢູ່ບ້ານຫນອງພະຍາ ເມືອງໄຊທານີ ນະຄອນຫຼວງວຽງຈັນ ພ້ອມດ້ວຍລົດຍົນ ຍີ່ຫໍ້ໂຕໂຍຕ້າວີໂກ້ ຄັນຫມາຍເລກ ກຫ 4489

ປັດຈຸບັນ ເຈົ້າໜ້າທີ່ກຳລັງສຶບສວນ-ສອບສວນ ລວບລວມພະຍານຫຼັກຖາມເພື່ອດຳເນີນຄະດີຕາມລະບຽບກົດຫມາຍ.

ຊົມຄລິບ

Related Posts

Leave a Reply

Your email address will not be published.