ນະຄອນ ໄກສອນ ພົມວິຫານ ເປີດຂະບວນການ ສັກວັກຊິນກັນພະຍາດໂຄວີດ -19 ໃຫ້ແກ່ກຸ່ມເປົ້າໝາຍ ອາຍຸ 12-17 ປີ

ນະຄອນ ໄກສອນ ພົມວິຫານ ເປີດຂະບວນການ ສັກວັກຊິນກັນພະຍາດໂຄວີດ -19 ໃຫ້ແກ່ກຸ່ມເປົ້າໝາຍ ອາຍຸ 12-17 ປີ ໃນຕອນເຊົ້າຂອງວັນທີ 22 ມັງກອນ 2021 ນີ້,ທີ່ໂຮງໝໍນະຄອນ ໄກສອນ ພົມວິຫານ ແຂວງສະຫວັນນະເຂດ ໄດ້ເປີດຂະບວນການສັກວັກຊິນ ກັນພະຍາດ ໂຄວິດ -19 ໃຫ້ແກ່ກຸ່ມເປົ້າໝາຍ ອາຍຸ 12-17ຢູ່ພາຍໃນນະຄອນ ໄກສອນ ພົມວິຫານ ໂດຍການໃຫ້ກຽດເຂົ້າຮ່ວມເປັນປະທານຂອງທ່ານ ແຖ່ນແກ້ວ ພົມບິດາ ຮອງເຈົ້ານະຄອນ ໄກສອນ ພົມວິຫານ ,ມີທ່ານ ປອ ດຣ ຕຽງຄຳ ປ້ອງວົງສາ ຮອງຫົວໜ້າພະແນກສາທາລະນະສຸກແຂວງ ສະຫວັນນະເຂດ, ມີຮອງຫົວໜ້າຫ້ອງການສາທາລະນະສຸກນະຄອນ, , ພ້ອມດ້ວຍພະນັກງານແພດໝໍພາຍໃນໂຮງໝໍນະຄອນ ແລະ ກຸ່ມເປົ້າໜາຍເຂົ້າຮ່ວມຢ່າງເປັນຂະບວນ.

ໃນພິທີທ່ານ ແຖ່ນແກ້ວ ພົມບິດາ ຮອງເຈົ້ານະຄອນ ໄກສອນ ພົມວິຫານ ໄດ້ມີຄຳເຫັນແລະກ່າວເປີດຂະບວນການສັກວັກຊິນກັນພະຍາດໂຄວີດ-19 ໃຫ້ແກ່ກຸ່ມເປົ້າໝາຍອາຍຸ 12- 17 ປີ ,ເຊິ່ງການສັກວັກຊິນປ້ອງກັນພະຍາດໂຄວິດ-19 ແມ່ນຈະຊ່ວຍໃຫ້ພວກເຮົາ ມີພູມຄຸ້ມກັນຕໍ່ສູ້ກັບຄວາມຮ້າຍແຮງຂອງພະຍາດ,ສາມາດຫຼຸດຜ່ອນການສົ່ງເຊື້ອ,ຫຼຸດຜ່ອນການເສຍຊີວິດຍ້ອນພະຍາດດັ່ງກ່າວ

ໂດຍສະເພາະແມ່ນໃນກູ່ມສ່ຽງຜູ້ອາຍຸສູງ,ຜູ້ມີພະຍາດປະຈຳຕົວ,ແມ່ມານ,ພະນັກງານລັດຖະກອນ ແລະ ຜູ້ໃຫ້ບໍລິການແນວໜ້າຂອງທຸກສຳນັກງານ ສະຖານທີ່ບໍລິການ ດ້ານຕ່າງໆແກ່ປະຊາຊົນແລະ ອື່ນໆ ສະນັ້ນ ຖ້າຫາກທຸກຄົນກູ່ມເປົ້າໝາຍມາສັກວັກຊິນຄົບຖ້ວນຕາມການແນະນຳ,ປົກຄຸມທົ່ວເຖິງໃນທຸກເຂດພື້ນທີ່ ໃນອັດຕາສູງເຖິງ 80 % ຂື້ນໄປ ແມ່ນຈະເຮັດໃຫ້ພວກເຮົາສາມາດດຳລົງຊີວິດແບບໃໜ່ໄດ້ຢ່າງເປັນກະຕິ,

ເຊີ່ງໃນມື້ນີ້ນະຄອນໄກສອນ ພົມວິຫານ ແມ່ນໄດ້ເປີດຂະບວນການສັກວັກຊິນ ກັນພະຍາດໂຄວີດ-19 ໃນກຸ່ມເປົ້າໜາຍ 12-17 ປີ ຊຶ່ງເປັນກຸ່ມຢູ່ໃນໄວຮຽນ,ເປັນກຸ່ມທີ່ເຄື່ອນໄຫວຫຼາຍໃນສັງຄົມ ແລະ ມີຄວາມສ່ຽງໃນການຕິດເຊື້ອມາສູ່ຄອບຄົວ ໜູ່ເພື່ອນໃນໂຮງຮຽນ ແລະ ຖ້າກຸ່ມດັ່ງກ່າວນີ້ ມາສັກວັກຊິນຄົບ ກໍ່ເຮັດໃຫ້ການເປີດການການຮຽນການສອນມີຄວາມປອດໄພ ແລະ ຫຼຸດຜ່ອນຄວາມສ່ຽງການນຳເຊື້ອມາສູ່ຄອບຄົວພໍ່ແມ່ ແລະ ຜູ້ປົກຄອງ ດັ່ງນັ້ນການສັກວັກຊິນປ້ອງກັນພະຍາດໂຄວິດ-19 ແມ່ນວີທີດຽວໃນປັດຈຸບັນທີ່ຈະເຮັດໃຫ້ພວກເຮົາສາມາດເປີດໂລກໄປມາຫາສູ່ກັນໄດ້ຢ່າງປອດໄພ .

ສຳລັບນະຄອນ ໄກສອນ ພົມວິຫານ ໃນການສັກວັກຊີນກັນພະຍາດໂຄວິດ-19 ມາຮອດປັດຈຸບັນ ໄດ້ຮັບວັກຊີນ ເຂັມທີ1: ໄດ້ແລ້ວ96.719 ຄົນ ເທົ່າກັບ69,7%,ເຂັມທີ2:ສັກໄດ້86.936 ຄົນ ເທົ່າກັບ 62,6%,ເຂັມທີ3:ສັກໄດ້ 10.942 ຄົນ ເທົ່າກັບ 8,36% ແລະ ອາຍຸ 12 -17 ເປົ້າໜາຍ 12.475 ຄົນ,ເຂັມທີ1 ສັກໄດ້ 9.095 ຄົນ ເທົ່າກັບ 72,90% ແລະ ເຂັມທີ 2 ສັກໄດ້ 1.536 ຄົນ ເທົ່າກັບ 12,31% ແລະ ຜູ້ບໍ່ທັນໄດ້ສັກຈັກເຂັມມີ1.844ຄົນ ເທົ່າກັບ14,78%.

ໃນໂອກາດດັ່ງກ່າວ ທ່ານ ປອ ດຣ ຕຽງຄຳ ປ້ອງວົງ ຮອງຫົວໜ້າພະແນກສາທາລະນະສຸກແຂວງ ກໍ່ ໄດ້ຮຽກຮ້ອງມາຍັງການນຳ ແລະການຈັດຕັ້ງທຸກພາກສ່ວນ,ອຳນາດການປົກຄອງບ້ານໃນທົ່ວນະຄອນ ຈົ່ງໄດ້ຊ່ວຍປຸກລະດົມທຸກຄອບຄົວທີ່ມີລູກຫຼານໃນກຸ່ມອາຍຸດັ່ງກ່າວໃຫ້ໄດ້ມາສັກວັກຊິນໃຫ້ຄົບທຸກເຂັມ ແລະຍັງໄດ້ເນັ້ນໜັກໃຫ້ບັນດາແພດໜໍ ນັກວິຊາການສາທາລະນະສຸກຂອງນະຄອນ ,ຄະນະຮັບຜິດຊອບ ຈົ່ງໄດ້ປະຕິບັດການບໍລິການ ການສັກວັກຊິນໃຫ້ທົ່ວເຖິງ,ຮັບປະກັນທາງດ້ານຄຸນນະພາບ ແລະ ມີຄວາມປອດໄພຕໍ່ຜູ້ມາໃຊ້ບໍລິການ ແລະ ຜູ້ປົກຄອງລູກຫຼານທຸກຄົນ ກໍ່ໃຫ້ມີຄວາມຕື່ນຕົວມາສັກວັກຊິນຢ່າງເປັນຂະບວນການ ເພື່ອພ້ອມກັນເປີດປະເທດ ແລະຕ້ອນຮັບການເປີດການທ່ອງທ່ຽວສີຂຽວພາຍໃນແຂວງຂອງພວກເຮົາໃນເດືອນເມສາທີ່ຈະມາເຖີງນີ້.

ພາບ-ຂ່າວ:ນະຄອນ ໄກສອນ ພົມວິຫານ.

Related Posts

Leave a Reply

Your email address will not be published.