ໃນວັນທີ 11 ມັງກອນ 2022 ທີ່ກະຊວງສາທາລະນະສຸກ ໄດ້ມີພີທີມອບ-ຮັບລົດຕູ້ເຢັນສຳລັບຂົນວັກຊີນ.

ໃນວັນທີ 11 ມັງກອນ 2022 ທີ່ກະຊວງສາທາລະນະສຸກ ໄດ້ມີພີທີມອບ-ຮັບລົດຕູ້ເຢັນສຳລັບຂົນວັກຊີນ.

ແລະ ອຸປະກອນໄອທີ ໂດຍການຊ່ວຍເຫຼືອຂອງ ອົງການພັດທະນາສາກົນປະເທດສະຫະລັດອາເມລິກາ (USAID) ແລະ ກະຊວງສາທາລະນະສຸກເຢຍລະມັນ (BMG) ຜ່ານອົງການອະນາໄມໂລກ (WHO)

ມູນຄ່າ 383.794 ໂດລາ ໃຫ້ສູນສຸຂະພາບແມ່ ແລະ ເດັກ,​ ກະຊວງ​ສາທາລະນະ​ສຸກ​ ເຂົ້າຮ່ວມກ່າວຮັບໂດຍ ທ່ານ ດຣ. ບຸນແຝງ ພູມມະໄລສິດ, ລັດຖະມົນຕີກະຊວງສາທາລະນະສຸກ ແລະ ກ່າວມອບ​ ໂດນ ທ່ານ ນາງ Annette Knobloch, ເອກອັກຄະລັດຖະທູດເຢຍລະມັນ ປະຈຳລາວ, ມີ ທ່ານ ນາງ ຈອຍ ມິຊິໂກະ ຊາກຸໄຣ,

ຮອງທູດສະຫະລັດອາເມລິກາ ປະຈໍາລາວ; ທ່ານ ຄູເລິນ ຮິວ, ຮອງຜູ້ຕາງໜ້າອົງການ USAID ປະຈຳລາວ ແລະ ທ່ານ ດຣ ຢູລີ, ຮັກສາການແທນຜູ້ຕາງໜ້າອົງການອະນາໄມໂລກ ປະຈຳລາວ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ການອຸປະກອນທີ່ມອບຮັບໃນຄັ້ງນີ້ ແມ່ນຈະຊ່ວຍຊຸກຍູ້ສູນສຸຂະພາບແມ່ ແລະ ເດັກ, ກົມອະນາໄມ ແລະ ສົ່ງເສີມສຸຂະພາບ ແລະ ກົມແຜນການ ແລະ ການຮ່ວມມື, ກະຊວງສາທາລະສຸກ ໃນການພັດທະນາລະບົບໃໝ່ເພື່ອນັດໝາຍ,

ລົງທະບຽນລ່ວງໜ້າ, ແລະ ບັນທຶກຂໍ້ມູນການສັກວັກຊີນລະດັບບຸກຄົນ ແລະ ສະໜອງບັດວັກຊີນທີ່ນຳໃຊ້ QR code ຢູ່ຈຸດບໍລິການໃຫ້ວັກຊີນ ແລະ ໂຮງໝໍສູນກາງ 5 ແຫ່ງ ດ້ວຍຄວາມສາມາດດ້ານໄອທີ ທີ່ເພີ່ມຂຶ້ນ, ລະບົບດັ່ງກ່າວຈະຂະຫຍາຍໄປສູ່ບັນດາໂຮງໝໍແຂວງ ແລະ ໂຮງໝໍເມືອງ ແລະ​ ທຶນການຊ່ວຍເຫຼືອຄັ້ງນີ້ປະກອບມີ ອົງການ USAID ມູນຄ່າ 197.633 ໂດລາ, ກະຊວງສາທາລະນະສຸກ ເຢຍລະມັນ ພາຍໃຕ້ທຶນການຊ່ວຍເຫຼືອຈາກ BMG ມູນຄ່າ 186.161 ໂດລາ ໂດຍອົງການ WHO ຈະເປັນຜູ້ຮັບຜິດຊອບໃນການຈັດຊື້ ແລະ ຂົນສົ່ງເຄື່ອງຊ່ວຍເຫຼືອຄັ້ງນີ້ ເພື່ອໃຫ້ການບໍລິການວັກຊີນແບບເຄື່ອນທີ່ຢູ່ຕາມ

ນະຄອນຫຼວງວຽງຈັນ ແລະ ນີ້ແມ່ນສ່ວນໜຶ່ງຂອງວຽກງານ ສູນສຸຂະພາບແມ່ແລະເດັກ ເພື່ອປັບປຸງລະບົບການຈັດການຂໍ້ມູນກ່ຽວກັບວັກຊີນ ແລະ ຄວາມສາມາດໃນການຂົນສົ່ງວັກຊີນຂອງ ສປປ ລາວ.

ໃນພິທີ, ທ່ານ ດຣ. ບຸນແຝງ ພູມມະໄລສິດ ໄດ້ຕາງໜ້າໃຫ້ກະຊວງສາທາລະນະສຸກ ສະແດງຄວາມຂອບໃຈຢ່າງສູງ ມາຍັງ ອົງການ USAID, ກະຊວງສາທາລະນະສຸກຂອງເຢຍລະມັນ ແລະ ອົງການອະນາໄມໂລກ ທີ່ໄດ້ປະກອບສ່ວນຊ່ວຍເຫຼືອວຽກງານສັກຢາກກັນພະຍາດ ແລະ ເຫັນວ່າ ລົດຕູ້ເຢັນຂົນສົ່ງສັກຊີນ ແລະ ອຸປະກອນໄອທີ ດັ່ງກ່າວນີ້ ຈະຊ່ວຍຊຸກຍູ້ສົ່ງເສີມສູນສຸຂະພາບແມ່ ແລະ ເດັກ, ໂຮງໝໍສູນກາງ 5 ແຫ່ງ ແລະ ໂຮງໝໍເມືອງ 9 ແຫ່ງ ໃນນະຄອນຫຼວງວຽງຈັນ ໃຫ້ສາມາດປັບປຸງຄຸນະພາບດ້ານຂໍ້ມູນຂ່າວສານ, ປັບປຸງຂະບວນການປ້ອນຂໍ້ມູນ, ການລາຍງານໃຫ້ທັນເວລາ ແລະ ໄວຂຶ້ນໂດຍລະບົບທີ່ຫຼຸດຜ່ອນການນຳໃຊ້ເອກະສານ.

ພິທີການມອບ-ຮັບ ຄັ້ງນີ້ແມ່ນສ່ວນຫນຶ່ງຂອງຄວາມພະຍາຍາມຂອງພວກເຮົາທີ່ນໍາໃຊ້ເຕັກໂນໂລຢີເພື່ອຫຼຸດຜ່ອນພາລະຂອງແພດໝໍທີ່ເຄັ່ງຕຶງ​ແລະ​ ປັບປຸງການຈັດສົ່ງວັກຊີນ.

Related Posts

Leave a Reply

Your email address will not be published.