ປີ 2021 ເກີດອຸບັດຕິເຫດ 5576 ຄັ້ງ ເສຍຊີວິດ 831 ຄົນ

ປີ 2021 ເກີດອຸບັດຕິເຫດ 5576 ຄັ້ງ ເສຍຊີວິດ 831 ຄົນ

ຂໍ້ມູນຈາກ ກົມຕໍາຫລວດຈະລາຈອນ ກົມໃຫຍ່ຕຳຫລວດ ກະຊວງປ້ອງ ປກສ ແຈ້ງໃຫ້ຮູ້ວ່າໃນປີ 2021

ທົ່ວປະເທດມີອຸບັດເຫດເກີດຂຶ້ນ 5.576 ຄັ້ງທຽບໃສ່ປີ 2020 ຜ່ານມາຫຼຸດລົງ 1.198 ຄັ້ງ ໃນນີ້ ພາຫະນະເປ່ເພ 9.910 ຄັນ,ຄົນໄດ້ຮັບບາດເຈັບ 8.388 ຄົນ,ຄົນເສຍຊີວິດ 831 ຄົນ ລວມມູນຄ່າເສຍ ຫາຍທັງໝົດຫລາຍກວ່າ 92 ຕື້ກີບ.

ພັນເອກ ກົງສີ ສຸວັນນະຕຸ້ມ ຫົວຫນ້າກົມຕໍາຫລວດຈະລາຈອນ ກົມໃຫຍ່ຕຳຫລວດ ກະຊວງປ້ອງ ປກສ ໃຫ້ຮູ້ວ່າ: ໄລຍະ1ຫນື່ງຜ່ານມາການເກີດອຸບັດເຫດຢູ່ປະເທດເຮົາມີທ່າອ່ຽງຫລຸດລົງຖ້າສົມທຽບໃສ່ປີ 2020 ແຕ່ໂດຍລວມຈໍານວນຕົວເລກຜູ້ໄດ້ຮັບບາດເຈັບ ເເລະ ເສຍຊີວິດຍັງມີຫລາຍ.

ເຊິ່ງສາເຫດທີ່ເຮັດໃຫ້ເກີດອຸບັດເຫດສ່ວນໃຫຍ່ ຍ້ອນນັກຂັບຂີ່ສ່ວນໃຫຍ່ຂາດສະຕິໃນການໃຊ້ລົດ-ໃຊ້ ຖະຫນົນເປັນຕົ້ນ: ເດັກອາຍຸບໍ່ທັນເຖີງກະສຽນ, ບໍ່ມີໃບອະນຸຍາດຂັບຂີ່, ດື່ມສິ່ງມືນເມົາ, ດົມສານເສບຕິດແລ້ວຂັບຂີ່ລົດ,

ຂັບຂີ່ລົດໄວເກີນກໍານົດ, ລ່ວງປ້າຍຫ້າມ, ລ່ວງໄຟອໍານາດ,ລ້ຽວບໍ່ຮັບປະກັນ ໃນເວລາບໍ່ມີເຈົ້າໜ້າທີ່ ຫຼື ບໍ່ມີລົດສ່ວນທາງມາ ສ່ວນຫຼາຍແມ່ນໄປເລີຍ ໂດຍບໍ່ຢ້ານກົວຕໍ່ລະບຽບກົດໝາຍ ກາຍເປັນສາເຫດຫຼັກໃນການເກີດອຸບັດຕິເຫດໄດ້ງ່າຍ ແລະ ສ້າງຜົນເສຍຫາຍຢ່າງຫຼວງຫຼາຍ.

Related Posts

Leave a Reply

Your email address will not be published.