ເຫດການໄຟໄໝ້ທົ່ວໂລກ ທີ່ເຮັດໃຫ້ມີຜູ້ເສຍຊີວິດຫລາຍທີ່ສຸດໃນຮອບ20ປີ

ເຫດການໄຟໄໝ້ທົ່ວໂລກ ທີ່ເຮັດໃຫ້ມີຜູ້ເສຍຊີວິດຫລາຍທີ່ສຸດໃນຮອບ20ປີ

ຂປລ.ການລັງລວມ ເຫດການໄຟໄໝ້ ທົ່ວໂລກ ເຮັດໃຫ້ມີ ຜູ້ເສຍຊີວິດ ຫລາຍທີ່ສຸດ ໃນຮອບ20ປີຜ່ານມາ ເປັນຕົ້ນ: ບັງກລາເທດ ເມື່ອປີ2010 ເກີດໄຟໄໝ້ໃນງານແຕ່ງດອງ ເຂດທີ່ມີ ຜູ້ຢູ່ອາໄສ ຢ່າງແອອັດ ກາງນະຄອນຫລວງ ດາກາ ເຮັດໃຫ້ມີ ປະຊາຊົນ ເສຍຊີວິດ ປະມານ 120ຄົນ, 9ປີຕໍ່ມາ ໃນນະຄອນຫລວງ ດາກາ ເຊັ່ນກັນ ເກີດໄຟໄໝ້ ຫ້ອງແຖວ ທີ່ລັກລອບ ເກັບສານເຄມີ ຫລາຍຫລັງ ມີຜູ້ເສຍຊີວິດ 70ຄົນ.

ອັງກິດ ເກີດໄຟໄໝ້ ອາຄານສູງ Grenfell Tower ທາງຕາເວັນຕົກ ຂອງນະຄອນຫລວງ ລອນດອນ ເມື່ອປີ2017 ເຮັດໃຫ້ມີ ປະຊາຊົນ ເສຍຊີວິດ 72ຄົນ ຖືເປັນເຫດ ໄຟໄໝ້ ທີ່ມີຜູ້ເສຍຊີວິດ ຫລາຍທີ່ສຸດ ຂອງອັງກິດ ນັບຕັ້ງແຕ່ ສົງຄາມໂລກ ຄັ້ງທີ່2.

ຈີນ ປີ2011 ເກີດເຫດລົດສາມລໍ້ ໄຟຟ້າໄໝ້ ຕິດກັບອາຄານ 4ຊັ້ນ ໃນນະຄອນຫລວງ ປັກກິ່ງ ທີ່ສ້າງຂຶ້ນ ໂດຍບໍ່ໄດ້ຮັບອະນຸຍາດ ເຮັດໃຫ້ມີ ຜູ້ເສຍຊີວິດ 18ຄົນ ແລະ ບາດເຈັບ ອີກປະມານ 20ຄົນ.

ກ່ອນໜ້ານັ້ນ 1ປີ ເກີດໄຟໄໝ້ອາຄານສູງ 28ຊັ້ນ ພວມຢູ່ໃນລະຫວ່າງ ການຕົບແຕ່ງ ໃນນະຄອນ ຊ້ຽງໄຮ້ ຂອງຈີນ ມີຜູ້ເສຍຊີວິດ 58ຄົນ.ໃນປີ2002 ໄຟໄໝ້ອາຄານສູງ 9ຊັ້ນ ໃນເມືອງໜານຈົງ ແຂວງເສສວນ ເສຍຊີວິດ 19ຄົນ ໂດຍຕົ້ນເພີງ ມາຈາກ ຮ້ານຄ້າ ສົ່ງອາຫານ ບໍລິເວນຊັ້ນ1-3 ກ່ອນຈະລາມ ໄປສູ່ຊັ້ນເທິງ ຂອງອາຄານ ທີ່ມີຜູ້ຢູ່ອາໄສ ປະທານ 200ຄົນ.

ປະເທດຝຣັ່ງ ໃນປີ2005 ປະຊາຊົນ ເສຍຊີວິດ 18ຄົນ ເສຍຊີວິດ ຈາກການຫາຍໃຈເອົາຄວັນໄຟ ຫລັງຈາກ ເກີດໄຟໄໝ້ ທາງເຂົ້າ Leh Les Rosesສູງ18ຊັ້ນ ໂດຍເຫດເກີດ ຈາກການຜິດຖຽງກັນ ຂອງເດັກຍິງ ທີ່ຈູດໄຟ ໃສ່ກ່ອງຈົດໝາຍ ຂອງອາຄານ.

ປະເທດຍີ່ປຸ່ນ ຫ້ອງບັນທຶກສຽງ(ສະຕູດີໂອ) “Kyoto Animation” ຖືກວາງ ເພີງໃນເດືອນກໍລະກົດ2019 ເຮັດໃຫ້ມີຜູ້ເສຍຊີວິດ 36ຄົນ ຖືເປັນ ອາດສະຍາກຳ ທີ່ຮ້າຍແຮງ ທີ່ສຸດໃນຍີ່ປຸ່ນ ໃນຮອບຫລາຍສິບປີ ຜ່ານມາ ຈາກນັ້ນ ເຈົ້າໜ້າທີ່ ຕຳຫລວດ ສາມາດ ຈັບຜູ້ຕ້ອງສົງໄສ ມາລົງໂທດແລ້ວ.

ຂະນະທີ່ ໄຕ້ຫວັນຂອງຈີນ ເກີດໄຟໄໝ້ ອາຄານສູງ 13ຊັ້ນ ເມື່ອເດືອນຕຸລາ ທີ່ຜ່ານມາ ມີຜູ້ເສຍຊີວິດ 46ຄົນ ແລະ ບາດເຈັບອີກຈຳນວນໜຶ່ງ.

ຮຽບຮຽງ​ຂ່າວ​ໂດຍ ສະ​ໄຫວ ລາດ​ປາກ​ດີ

Related Posts

Leave a Reply

Your email address will not be published.