ທຸກຄົນຈະຕ້ອງສ້າງຄວາມຊິນເຄີຍໃຫ້ຕົນເອງ

ທ່ານ ດຣ. ນາງ ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່ ລາຍງານສະ ພາບການລະບາດຂອງພະຍາດໂຄວິດ-19 ຢູ່ ສປປ ລາວ ໃນວັນທີ 11 ທັນວາ 2021 ນີ້ວ່າ:

ຈາກການລະບາດພະຍາດໂຄວິດ-19 ດັ່ງທຸກມື້ນີ້ ເຮົາບໍ່ສາມາດຮູ້ໄດ້ວ່າໃຜຕິດ ຫລື ບໍ່ຕິດເຊື້ອ ຊຶ່ງການອອກຈາກເຮືອນໄປພົບຄົນອື່ນຖືວ່າມີຄວາມສ່ຽງ ແລະ ຖ້າພວກເຮົາບໍ່ເຄັ່ງຄັດປະຕິບັດມາດຕະການຕ່າງໆ ຈະມີຄວາມສ່ຽງສູງທີ່ຈະຕິດເຊື້ອໄດ້.

ນີ້ຄືເຫດຜົນທີ່ພວກເຮົາທຸກຄົນຕ້ອງໄດ້ຮ່ວມມືປະຕິບັດຕາມມາດຕະການສະກັດກັ້ນ, ຄວບຄຸມການລະຍາດຂອງພະຍາດຢ່າງເຂັ້ມງວດ, ຄົບຖ້ວນ ແລະ ຮັດກຸມ ທີ່ສຸດ ແລະ ທຸກຄົນຈະຕ້ອງສ້າງຄວາມຊິນເຄີຍໃຫ້ຕົນເອງເພື່ອຢູ່ຮ່ວມກັບພະຍາດໂຄວິດບົນພື້ນຖານການປ້ອງກັນທີ່ຮັບປະ ກັນໃຫ້ຕົນເອງປອດໄພ ໂດຍໃສ່ຜ້າປິດປາກ-ດັງ, ລ້າງມື, ຢູ່ຫ່າງກັນທັງເຮັດຈິງຈັງ ແລະ ບໍ່ໃຫ້ຖືເບົາຕໍ່ກັບການປະຕິບັດສິ່ງດັ່ງກ່າວອີກຕໍ່ໄປ.

ຂະນະດຽວກັນ ປະຊາຊົນກຸ່ມເປົ້າໝາຍຕ້ອງຕື່ນຕົວໄປສັກວັກຊິນໃຫ້ໄວຕາມຈຸດບໍລິການທີ່ແຂວງໄດ້ກຳນົດໄວ້.

ທ່ານຮອງຫົວໜ້າກົມຄວບຄຸມພະຍາດຕິດຕໍ່ ໃຫ້ຮູ້ຕື່ມວ່າ:ອີງໃສ່ສະພາບປັດຈຸບັນ, ພັກ-ລັດຖະບານ ເປັນຫ່ວງທີ່ສຸດ ຈຶ່ງໄດ້ເຮັດທຸກວິທີທາງເພື່ອສົ່ງສີມໃຫ້ທຸກຄົນປ້ອງກັນຕົນເອງດ້ວຍການປະຕິບັດມາດຕະ ການຢ່າງເຂັ້ມງວວດ ແລະ ໄປສັກວັກຊິນເພື່ອເສີມພູມຄຸ້ມກັນໃຫ້ຮ່າງກາຍ ເພື່ອຜົນປະໂຫຍດສູງສຸດ ທັງ 2 ດ້ານຄື ປ້ອງກັນສຸຂະພາບຂອງປະຊາຊົນຈາກພະຍາດໂຄວິດ 19 ແລະ ຄຳນຶງເຖິງຜົນກະທົບຕໍ່ເສດ ຖະກິດ ແລະ ສັງຄົມຂອງປະເທດ.

ເຖິງຢ່າງໃດກໍຕາມ, ພວກເຮົາທຸກຄົນຕ້ອງພະຍາຍາມ ແລະ ຮ່ວມມືກັນ ເພື່ອສາມາດຂ້າມຜ່ານສະ ພາບການລະບາດຂອງພະຍາດນີ້ໄປໃຫ້ໄດ້ ແລະ ກ້າວໄປສູ່ການດຳລົງຊີວີດປົກກະຕີແບບໃໝ່ ແລະ ຄ່ອຍໆຜ່ອນຜັນມາດຕະການເທື່ອລະກ້າວ.

ການເປັນເຈົ້າການຮ່ວມກັນຂອງໝົດທຸກຄົນໃນສັງຄົມຈະພາພວກເຮົາບັນລຸໄດ້ຈຸດປະສົງລວມ ຄືຫລຸດຜ່ອນຈຳນວນຜູ້ຕິດເຊື້ຕິດເຊື້ອໃໝ່, ຫລຸດຜ່ອນການເສບຊີວິດໃໝ່ໃນປະເທດ ແລະ ພ້ອມກັນກ້າວໄປສູ່ການດຳລົງຊີວິດປົກກະຕິແບບໃໝ່ໃຫ້ໄດ້ໂດຍໄວ ແລະ ທົ່ວເຖິງ.

Related Posts

Leave a Reply

Your email address will not be published. Required fields are marked *