ບໍລິສັດ ລາວ ໂທລະຄົມມະນາຄົມ ມະຫາຊົນ ຈັດພິທີ ມອບ-ຮັບ ກ່ອງປັນສຸກ ໃນກິດຈະກໍາ “ ລາວ ໂທລະຄົມ ປັນສຸກ ”

ໃນວັນທີ 8 ທັນວາ 2021 ຢູ່ທີ່ ສໍານັກງານໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ ໄດ້ມີພິທີ ມອບ-ຮັບ ກ່ອງປັນສຸກ ໃນກິດຈະກໍາ CSR “ ລາວ ໂທລະຄົມ ປັນສຸກ ” ຂື້ນລົດຂົນສົ່ງເພື່ອຈັດສົ່ງໃຫ້ ລລທ ສາຂາແຂວງທົ່ວປະເທດໄດ້ນໍາໄປແຈກຢາຍຕໍ່ໃຫ້ກັບຄອບຄົວຜູ້ທີ່ຫຍຸ້ງຍາກຂາດເຂີນ.

ເຊິ່ງກິດຈະກໍານີ້ແມ່ນ 1 ໃນຫຼາຍໆກິດຈະກໍາທີ່ ລາວ ໂທລະຄົມ ຈັດຂື້ນໃນໂອກາດສະເຫຼີມສະຫຼອງ ວັນສ້າງຕັ້ງ ລາວ ໂທລະຄົມ ຄົບຮອບ 25 ປີ (11/11/1996-11/11/2021) ຈຸດປະສົງຂອງກິດຈະກໍານີ້ແມ່ນ.

ເນື່ອງມາຈາກການແຜ່ລະບາດຂອງພະຍາດໂຄວິດ 19 ທີ່ແກ່ຍາວເວລາມາດົນສົ່ງຜົນກະທົບຕໍ່ເສດຖະກິດ ແລະ ຊິວິດການເປັນຢູ່ປະຈໍາວັນຂອງພວກເຮົາໂດຍສະເພາະກໍຄືຄອບຄົວທີ່ທຸກຍາກຂາດເຂີນ.

ສະນັ້ນ, ລາວ ໂທລະຄົມ ຈຶ່ງໄດ້ສ້າງກິດຈະກໍານີ້ຂື້ນມາໂດຍການ ແຈກຢາຍກ່ອງປັນສຸກ ຈໍານວນ 450 ກ່ອງ ລວມມູນຄ່າທັງໝົດ 164,625,500 ກີບ ໃຫ້ກັບຄອບຄົວຜູ້ທຸກຍາກຢູ່ 18 ແຂວງທົ່ວປະເທດເພື່ອຊ່ວຍແບ່ງເບົາຄ່າໃຊ້ຈ່າຍໃນຊີວິດປະຈໍາວັນ ແລະ ເປັນກໍາລັງໃຈໃນການຕໍ່ສູ້ກັບພະຍາດໂຄວິດ 19 ແລະ ຂ້າມຜ່ານສະຖານະການທີ່ຫຍຸ້ງຍາກໃນຕອນນີ້ໄປພ້ອມໆກັນ.

ໃນກ່ອງເປັນສຸກຈໍານວນ 450 ກ່ອງປະກອບມີເຄື່ອງອຸປະໂພກ-ບໍລິໂພກ, ຢາສາມັນປະຈໍາບ້ານ ແລະ ໜ້າກາກອານາໄມ.

ເຄື່ອງທັງໝົດຈະຖືກຂົນສົ່ງໄປສູ່ ລາວ ໂທລະຄົມ ສາຂາແຂວງທົ່ວປະເທດເພື່ອນໍາໄປແຈກຢາຍຕໍ່ໃຫ້ກັບຄອບຄົວຜູ້ທຸກຍາກຂາດເຂີນຢູ່ໃນແຕ່ລະແຂວງໆລະ 25 ກ່ອງ.“ລາວ ໂທລະຄົມ ໂທລະຄົມຂອງຄົນລາວ ເພື່ອສັງຄົມລາວ”#LaoTelecom#LaoTelecom25thAnniversary

Related Posts

Leave a Reply

Your email address will not be published.