ທ່ານຮູ້ບໍ່..!! ອຸໂມງທີ່ຍາວທີ່ສຸດໃນເສັ້ນລົດໄຟລາວ-ຈີນຍາວເຖິງ 9 Km 3 ທັນວາ ນີ້ໃຫ້ບໍລິການເຕັມທີ່.

ທ່ານຮູ້ບໍ່..!! ອຸໂມງທີ່ຍາວທີ່ສຸດໃນເສັ້ນລົດໄຟລາວ-ຈີນຍາວເຖິງ 9 Km 3 ທັນວາ ນີ້ໃຫ້ບໍລິການເຕັມທີ່.

ໃນການກໍ່ສ້າງເສັ້ນທາງລົດໄຟລາວ-ຈີນ ນັບແຕ່ນະຄອນຫຼວງວຽງຈັນຫາບໍ່ເຕັນມີຂົວ 170 ແຫ່ງ, ອຸມົງ 75 ແຫ່ງ, ອຸມົງທີ່ຍາວ 7 km ມີ 7 ແຫ່ງ ແລະ1 ອຸໂມງທີ່ຍາວທີ່ສຸດ 9,384 km. ທ່ານ ເວີນວູ ຜູ້ອຳນວຍການບໍລິສັດທາງລົດໄຟກໍ່ສ້າງສາກົນ ຊ່ວງສັນຍາ II ພາກທີ I ໃຫ້ສຳພາດຕໍ່ສື່ມວນຊົນຢູ່ສະຖານີເມືອງໄຊແຂວງອຸດົມໄຊວ່າງບໍ່ດົນນີ້ວ່າ: ໃນໄລຍະການກໍ່ສ້າງທາງລົດໄຟລາວ-ຈີນ ນັບແຕ່ນະຄອນຫຼວງວຽງຈັນຫາບໍ່ເຕັນແຂວງຫຼວງນໍ້າທາຕິດກັບຊາຍແດນ ສປ ຈີນ ມີຄວາມຍາວທັງໝົດ 422,4 Km, ໃນນັ້ນ, ມີຂົວທັງໝົດ 170 ແຫ່ງມີຄວາມຍາວທັງໝົດ 69,20 km ລວມທັງຂົວຂ້າມແມ່ນໍ້າຂອງ ຢູ່ແຂວງຫລວງພະບາງ 2 ແຫ່ງ, ມີອຸໂມງ 75 ແຫ່ງມີຄວາມຍາວທັງໝົດ 197,6 km ໃນນັ້ນອຸໂມງທີ່ຍາວທີ່ສຸດແມ່ນອຸໂມງຢູ່ລະຫວ່າງເຂດບ້ານເສີນແຂວງຫຼວງພະບາງ ແລະແຂວງຫຼວງວຽງຈັນ.

ສໍາລັບການກໍ່ສ້າງເສັ້ນທາງໄລຍະແຕ່ແຂວງຫຼວງນໍ້າທາຫາແຂວງອຸດົມໄຊມີຄວາມຍາວທັງໝົດ 22,3 ກິໂລແມັດ ມີ 8 ອຸມົງ, 14 ຂົວ, ມີຄວາມຍາວ 6,5 ກິໂລແມັດ ແລມີະສະຖານີ 2 ແຫ່ງ, ໂດຍປະຕິບັດຕາມມາດຕະຖານເຕັກນິກຂອງທາງດ່ວນລົດໄຟ ສປ ຈີນ, ຄຸນນະພາບການກໍ່ສ້າງ ໄດ້ຮັບຮອງເປັນເອກກະພາບຈາກສະຖາປະນິກກວດກາໃຫຍ່ ສປ ຈີນ ແລະບໍລິສັດກວດກາຝ່າຍທີ່ສາມ. ເລີ່ມລົງມືກໍ່ສ້າງຕັ້ງແຕ່ຕົ້ນປີ 2017 ແລະຮອດທ້າຍປີ 2019ໄດ້ ສຳເລັດວຽກງານກໍ່ສ້າງອຸມົງ ແລະຂົວເຊິ່ງເປັນບໍລິສັດທີ່ສ້າງສໍາເລັດກ່ອນໝູ່.

ທ່ານ ເວີນວູ ກ່າວຕື່ມວ່າ: ບໍລິສັດຂອງລາວໄດ້ກໍ່ສ້າງສະຖານີເມືອງໄຊມີເນື້ອທີ່ 22.000 m2, ສະໜາມຫີນອ່ອນ 4.000 m2, ສະໜາມສິນຄ້າ ເນື້ອທີ 26.000 m2 ແລະອື່ນໆ. ນອກຈາກນັ້ນ, ພວກເຮົາຍັງໄດ້ຈັດຊື້ອຸປະກອນຂອງລາວຈຳນວນຫລາຍ, ໄດ້ຮັບເອົາວິຊາການ ແລ ກຳມະກອນຄົນລາວເຂົ້າມາເຮັດວຽກເປັນຈຳນວນຫລາຍ ເພື່ອເປັນການຊຸກຍູ້ການພັດທະນາເສດຖະກິດ-ສັງຄົມ ທ້ອງຖິ່ນຂອງລາວ, ພ້ອມທັງສ້າງບຸກຄະລາກອນ ທີ່ມີສີມືຊຳນິຊຳນານງານ ເປັນຈຳນວນຫລາຍອີກດ້ວຍ. ມາຮອດປັດຈຸບັນ, ໄດ້ສຳເລັດການກວດກາຄົງທີ່ ແລະກວດກາເຄື່ອນທີ່ສຳເລັດແລ້ວ, ຂໍ້ບົກຜ່ອງໃນການກໍ່ສ້າງ ກໍ່ໄດ້ຮັບການແກ້ໄຂຢ່າງຄົບຖ້ວນຕາມເງື່ອນໄຂ ແລະ ກຽມພ້ອມເປີດນຳໃຊ້ຢ່າງເປັນທາງການໃນວັນທີ 3 ທັນວາ.

Related Posts

Leave a Reply

Your email address will not be published.