ຢາກເປັນເຈົ້າສາວຂຶ້ນມາທັນທີ..!! ວິນ ຈາກພໍ່ຄ້າສາຍບຸນ ສູ່ພະເອກ MV

ເກືອບຄິດວ່າ ງານວິວາພໍ່ຄ້າວິນ ກັບ ສາວນ້ອງ ພຸດທະສອນແລ້ວ!ກຽມຮັບຊົມຜົນງານໃໝ່ຈາກທີມງານລູກເຂີຍໃສ່ມອງ ໃນເພງ ຢາກເຂົ້າປະຕູວິວາ ຟັງພ້ອມກັນທົ່ວປະເທດ ວັນທີ 05 ພະຈິກ 2021 ນີ້ ຮີດ 12 ຄອງ 14 ຮີດຍີ່ ຄອງຈຽງ ປະເພນີລາວເຮົາ.

ຈາກພໍ່ຄ້າສູ່ພະເອກ MV ເວົ້າໄດ້ວ່າເປັນຜົນງານການສະແດງຄັ້ງທໍາອິດຂອງໜຸ່ມຄົນນີ້ ແຟນຄລັບຫຼາຍຄົນຄົງຕັ້ງໜ້າຕັ້ງຕາ ຮັບຊົມ ຮັບຟັງກັນແລ້ວ ແລະ ເປັນການຮ່ວມງານກັບນາງເອກ MV ດັງຄື ນ້ອງພຸດທະສອນ ຮັບຮອງວ່າຖ່າຍທອດອາລົມສົມບົດບາດກັນແນ່ນອນ.

ສໍາລັບວິນ ຫຼາຍຄົນຮູ້ຈັກດີໃນນາມ ພໍ່ຄ້າວິນໜ້າຫຼໍ່ ສາຍບຸນຜູ້ມີຄວາມສຸກ ຈາກການເປັນຜູ້ໃຫ້ ແລະ ໄດ້ຊ່ວຍເຫຼືອຄົນອື່ນ ໄວລຸ້ນໜຸ່ມນ້ອຍ ທີ່ເຫັນຄຸນຄ່າ ຄວາມສໍາຄັນຂອງການແບ່ງປັນ. ວິນ ອາຍຸ 22 ປີ ຮຽນຈົບຈາກມະຫາວິທະຍາໄລແຫ່ງຊາດ ສາຂາເຕັກໂນໂລຊີຂໍ້ມູນຂ່າວສານ (IT)

ສ່ວນ ນ້ອງ ພຸດທະສອນ ເປັນນາງເອກ MV ເພງດັງຂອງໄທ “ຄໍາວ່າຮັກກັນ ມັນເຫ່ຍຖິ້ມໃສ” ຂອງມົນແຄນ ແກ່ນຄູນ ແລະ ນັກສະແດງນໍາຂອງຊ່ອງສະກາຍ ທ່າແຂກ (SKY Thakhek) ທີ່ຫຼາຍຄົນຄົງຮູ້ຈັກກັນດີ.

ເອົາເປັນວ່າກຽມຮັບຊົມ ຮັບຟັງຜົນງານຂອງສິລະປິນ ແລະ ນັກສະແດງນໍາກັນໄວໆນີ້.

ຂໍຂອບໃຈທີ່ມາ: muan.la

Related Posts

Leave a Reply

Your email address will not be published.