ເປັນຜູ້ຍິງຢ່າຢຸດງາມ ທີ່ສໍາຄັນຢ່າລືມຮັກ ແລະ ເຫັນຄຸນຄ່າໃນໂຕເອງ

ເປັນຜູ້ຍິງຢ່າຢຸດງາມ ທີ່ສໍາຄັນຢ່າລືມຮັກ ແລະ ເຫັນຄຸນຄ່າໃນໂຕເອງອັບເດດຄວາມງາມຂອງ “ຕຸກ” ນັບມື້ຍິ່ງເລີດ ພ້ອມເຜີຍຢາກສ້າງແຮງບັນດານໃຈໃຫ້ຜູ້ຍິງທຸກຄົນໝັ້ນໃຈ ແລະ ງາມໃນແບບຕົນເອງໃນເວີຊັນທີ່ດີທີ່ສຸດ.

ຕຸກສາວໝັ້ນນາງແບບຊື່ດັງຂອງວົງການບັນເທີງລາວ ຫຼື ຮູ້ຈັກກັນດີໃນນາມສາວຕຸກ The WOW Laos ກ່ອນຈະເປັນສາວຕຸກຄືທຸກມື້ນີ້ຕ້ອງຜ່ານການຖືກຂົ່ມເຫງທາງຄຳເວົ້ານັບບໍ່ຖ້ວນ, ຖືກກະແສໂຈມຕີດຣາມານັບບໍ່ໜ້ອຍ ແຕ່ຈຸດປ່ຽນທີ່ເຮັດສາວຄົນນີ້ກາຍເປັນຄົນທີ່ກ້າສະແດງອອກ ແລະ ສາມາດກ້າວສູ່ຄວາມຝັນໄດ້ ຍ້ອນມີຄວາມຕັ້ງໃຈ ເປົ້າໝາຍຊັດເຈນ ແລະ ການເຫັນຄຸນຄ່າໃນໂຕເອງ.

ຕຸກພັດທະນາຕົນເອງທັງໜ້າຕາ ພາບລັກທີ່ດູດີຂຶ້ນ ແລະ ອັບເດດຄວາມສາມາດຢູ່ຕະຫຼອດບໍ່ວ່າຈະເປັນການເຕັ້ນ, ການສະແດງ ແລະ ການເດີນແບບ ຈຶ່ງບໍ່ແປກໃຈເປັນຫຍັງຕຸກຈຶ່ງມີຜົນງານເຂົ້າເລື້ອຍໆ.

ເຊິ່ງຕຸກເຄີຍໃຫ້ສຳພາດກັບ muan.la ວ່າ “ຕຸກມີຄວາມຄິດບວກບໍ່ຄຽດເກີນໄປ ເປັນຄົນອາລົມດີແດ່ ແລະ ອີກຢ່າງປັດຈຸບັນ ສາວຕຸກຈັດແຂ້ວ ແລະ ເສີມດັງ ເລີຍເບິ່ງຕ່າງຈາກເກົ່າ”

ຫວັງວ່າເລື່ອງລາວຂອງຕຸກຈະສ້າງແຮງບັນດານໃຈໃຫ້ຫຼາຍຄົນ ໝັ້ນໃຈ ພ້ອມພັດທະນາຕົນເອງສໍາລັບເລື່ອງລາວ ແລະ ຮູບພາບປະກອບແມ່ນຕຸກໄດ້ອະນຸຍາດນໍາໃຊ້ໃຫ້ສະເພາະ muan.la ເຜີຍແຜ່ເທົ່ານັ້ນ.

ສາມາດຕິດຕາມຜົນງານ ແລະ ການເຄື່ອນໄຫວໄດ້ທີ່:FB: Malavone Took Singthongpadith.

ຂໍຂອບໃຈຂໍ້ມູນຈາກ: muan.la

Related Posts

Leave a Reply

Your email address will not be published.