ດ່ວນ ແຊຕໍ່ ເຈົ້າໜ້າທີ່ ອອກຊີ້ແຈ້ງ

ໂສມຫນ້າ! ໄຊຕົ່ງທໍ່ ຜູ້ຜະລິດ ແລະຄ້າຢາເສບຕິດລາຍໃຫຍ່ຢູ່ແຂວງບໍ່ແກ້ວ ພ້ອມຂອງກາງ 7 ກວ່າໂຕນ

ໃນວັນທີ 27 ຕູລາ 2021 ເວລາ 5:30 ໂມງ ມີພົນລະເມືອງດີ ໄດ້ລາຍພະນັກງານ ບ້ານໂພນທອງ ເມືອງຫ້ວຍຊາຍ ແຂວງບໍ່ແກ້ວ ຈະມີລົດບັນທຸກສິນຄ້າ ປະເພດໄມ້ ຈາກບ້ານຫ້ວຍຊາຍນ້ອຍ ພໍຜ່ານໄປໃນໄລຍະໜຶ່ງ

ກໍເຫັນລົດຫມາຍເລກທະບຽນ ບຄ 1194 ກໍາແພງນະຄອນ ຕິດທັບກັບທະບຽນເກົ່າ ບຍ 5689 ກໍາແພງນະຄອນ ໄດ້ແລ່ນອອກມາທາງບ້ານປຸ່ງ ເຈົ້າໜ້າທີ່ປະຈໍາບ້ານໂພນທອງ ສົົມທົບພາສີ, ອາກອນ, ຊັບສິນ ແລະ ກະສິກໍາ ໄດ້ຂໍກວດຄົ້ນ ລົດຄັນດັ່ງກ່າວ.

ເຈົ້າໜ້າທີ່ ໄດ້ສອບຖາມຜູ້ຂັບລົດວ່າແມ່ນສິນຄ້າຫຍັງ ຜູ້ຂັບຂີ່ໄດ້ຕອບກັບຂົນລາງເບຍເປົ່າ, ໃນເບື້ອງຕົ້ນການກວດກາ ແມ່ນລາງເບຍເປົ່າແທ້ ແຕ່ທາງເຈົ້າໜ້າທີ່ ມີຄວາມສົງໄສວ່າລົດຄັນດັ່ງກ່າວ ບໍ່ມີໂລໂກຂອງບໍລິສັດ ເບຍລາວ ຕິດໃສ່ຜ້າບັດ ປົກລົດ ແລະ ໄດ້ສັງເກດເບິ່ງລົດມີນໍ້າໜັກຫຼາຍ

ສະນັ້ນ ຈຶ່ງປະສານເອົາລົດມາກວດກາຄືນໃໝ່ຢ້ານມີສິນຄ້າ ສິ່ງທີ່ຜິດກົດໝາຍປະປົນມາ ແລະ ໄດ້ເອົາໄປກວດກາຢູ່ທີ່ຈຸດກວດການໍ້້າເລັງ ພໍຮອດຈຸດກວດກາກໍໄດ້ກວດພົບເຫັນຖົງສີດໍາ; ຈຶ່ງນໍາລົດຄັນດັ່ງກ່າວມາກວດຄົ້ນຢູ່ທີ່ ປກສ ແຂວງ.
ຜ່ານການກວດຄົ້ນ

ພົບເຫັນຢາເສບຕິດ ປະເພດຢາບ້າຈໍານວນ 262 ເປົ໋າເທົ່າກັບ 27.832 ມັດ 55.664.000ເມັດ ມີນໍາໜັກ 5.566,4 kg , ຢາໄອສ໌ ຈໍານວນ 65 ເປົ໋າ ເທົ່າກັບ 1.537 ຫໍ່ ມີນໍ້າໜັກ 1.537 kg, ລົດບັນທຸກ 12 ລໍ້ 1 ຄັນ.

ເຈົ້າຫນ້າທີ່ ໄດ້ກັກຕົວ ທ້າວ ທອງໄຊທໍ ອາຍຸ 22 ປີ, ຜູ້ຂັບລົດ ຢູ່ບ້ານນໍ້າສະໝອກເໜືອ ເມືອງຫ້ວຍຊາຍແຂວງບໍ່ແກ້ວ, ຜູ້ກ່ຽວໄດ້ໃຫ້ການວ່າ ເຄື່ອງດັ່ງກ່າວແມ່ນຂອງທ້າວ ໄຊຕົງທໍ່ ອາຍຸ 40 ປີ, ນັກທຸລະກິດ ຢູ່ບ້ານຫ້ວຍຊາຍນ້ອຍ ເມືອງຫ້ວຍຊາຍ ແຂວງບໍ່ແກ້ວ.

ຈາກນັ້ນເຈົ້າໜ້າທີ່ສົມທົບກັບພາກສ່ວນທີ່ກ່ຽວໄດ້ຈັບຕົວ ທ້າວ ໄຊຕົ່ງທໍ່ ແລະ ກວດຄົ້ນເຮືອນ ພົບເຫັນ ຢາເສບຕິດ ປະເພດຢາບ້າ 4 ຖົງໃຫຍ່ ນໍ້າໜັກ 45.5 kg, ແປ້ງຝຸ່ນສີແດງ ຈໍານວນ 21 ຖົງໃຫຍ່ ນໍ້າໜັກ 159 kg,

ແປ້ງຝຸ່ນສີຂາວ 20 kg, ແປ້ງຝຸ່ນສີຟ້າ 2 ຖົງນ້ອຍ ຈໍານວນ 300 g, ນໍ້າຢາເຄມີ 1 ຕຸກໃຫຍ່ 3 ຕຸກນ້ອຍນໍ້າໜັກ 10 kg , ຢາບ້າເມັດສີຂຽວ 2 ຖົງໃຫຍ່ ນໍ້າໜັກ 2 kg, ຢາບ້າເມັດສີຂາວ ຈໍານວນ 1 ຖົງນ້ອຍ ນໍ້າໜັ້ກ 200 kg ເຄື່ອງອັດຢາເສບຕິດ 1 ເຄື່ອງ ອາວຸດເສິກປະເພດປືນ Ak ພ້ອມລູກ.

ນອກນັ້ນ, ໃນຕູ້ເຊັບຍັງພົບເງິນ ແລະ ວັດຖຸ ຄ້າຍຄືຄຳຈຳນວນຫນຶ່ງ ເຈົ້າຫນ້າທີ່ໄດ້ຢຶດໄວ້ເພື່ອກວດສອບ.

ຂໍ້ມູນ: ປກສ ແຂວງບໍ່ແກ້ວ

Related Posts

Leave a Reply

Your email address will not be published. Required fields are marked *