ປກສ ແຂວງບໍ່ແກ້ວ

ປກສ ແຂວງບໍ່ແກ້ວ ກວດຢຶດຢາເສບຕິດ ໄດ້ 7 ກວ່າ ໂຕນ ເພື່ອປະຕິບັດຕາມວາລະແຫ່ງຊາດ ວ່າດ້ວຍການຕ້ານຢາເສບຕິດ ( 2021-2023 ), ປກສ ແຂວງບໍ່ແກ້ວ ກໍໄດ້ສຸມໃສ່ຈັດຕັ້ງປະຕິບັດຢ່າງຕຫ້ງຫນ້າ, ສາມາດຢືດຢາເສບຕິດລວມນໍ້າໜັກ 7 ກວ່າໂຕນ.

ໃນວັນທີ 20 ຕຸລາ 2021 ເຈົ້າໜ້າທີ່ ປກສ ແຂວງບໍ່ແກ້ວ ໄດ້ກວດລົດບັນທຸກລັງເບຍເປົ່າ, ພົບຢາບ້າທີ່ຊຸກເຊື່ອງມານໍາລັງເບຍ ຈໍານວນ 5.000 ມັດ ເທົ່າກັບ 10 ລ້ານເມັດ. ພ້ອມກັກຕົວ ຜູ້ຂັບລົດບັນທຸກເພື່ອສືບສວນ.

ເຊິ່ງໃນລະຫວ່າງບໍ່ດົນມານີ້, ເຈົ້າໜ້າທີ່ຕຳຫຼວດ ແຂວງບໍ່ແກ້ວໄດ້ອອກກວດ-ຢຶດຢາເສບຕິດໄດ້ຈຳນວນຫຼາຍ ເຊິ່ງມີລາຍລະອຽດດັ່ງນີ້:

ຢາເສບຕິດປະເພດຢາບ້າ 262 ເປົາ ເທົ່າກັບ 27.832 ມັດ ເທົ່າກັບ 55.664.000 ເມັດ ມີນ້ຳໜັກ 5.566,4 kg, ຢາໄອສ໌ 65 ເປົາ ເທົ່າກັບ 1.537 ຫໍ່ ມີນ້ຳໜັກ 1.537 kg, ລົດບັນທຸກ 12 ລໍ້ 1 ຄັນ ແລະ ຜູ້ຖືກຫາ 2 ຄົນ. ລວມທັງຢຶດໄດ້ໃນວັນທີ 20 ຕຸລານີ້.

ສ່ວນລາຍລະອຽດທີ່ໄປທີ່ມາຂອງຢາເສບຕິດຍັງຢູ່ໃນຂັ້ນຕອນຂອງການສືບສວນ-ສອບສວນຂອງເຈົ້າໜ້າທີ່ ແລ້ວຈະລາຍງານຕາມພາຍຫຼັງ.#ທັນເຫດການ

Related Posts

Leave a Reply

Your email address will not be published.