ປກສ ກຸ່ມບ້ານໄຊ ສຶກສາອົບຮົມ ໄວລຸ້ນ 2 ກຸ່ມ ຕັ້ງວົງຊຸມແຊວ ລະເມີດຕໍ່ແຈ້ງການ

ປກສ ກຸ່ມບ້ານໄຊ ສຶກສາອົບຮົມ ໄວລຸ້ນ 2 ກຸ່ມ ຕັ້ງວົງຊຸມແຊວ ລະເມີດຕໍ່ແຈ້ງການ

ວັນທີ 21 ຕຸລາ 2021, ປກສ ກຸ່ມບ້ານໄຊ ສົມທົບກັບອໍານາດການປົກຄອງບ້ານ ແກ້ໄຂໄວລຸ້ນ 2 ກຸ່ມ ມີ 13 ຄົນ, ຍິງ 7 ຄົນ ຕັ້ງວົງຊຸມແຊວ ຢູ່ຫ້ອງແຖວຂອງ ນາງ ໝີ ອາຍຸ 32 ປີ ຄ້າຂາຍ ແລະ ຢູ່ເຮືອນຂອງ ທ້າວ ທອງພັນ ອາຍຸ 39 ປີ ຄ້າຂາຍ ຢູ່ບ້ານດ່ານຊ້າງ ເມືອງໄຊທານີ ນວ, ໄດ້ເຊີນຕົວ ຂຶ້ນມາຫ້ອງການບ້ານດ່ານຊ້າງ

ເພື່ອເຮັດບົດບັນທຶກສຶກສາອົບຮົມ ແລະ ກ່າວເຕືອນ ໃນການຊຸມແຊວດື່ມເຫຼົ້າ, ເບຍ ອາດຈະເປັນສາເຫດພາໃຫ້ເກີດການແຜ່ເຊື້ອພະຍາດໂຄວິດ-19 ເຊິ່ງການກະທໍາດັ່ງກ່າວເປັນການລະເມີດຕໍ່ແຈ້ງການ 38/ສພກ. ນວ, ລົງວັນທີ 15 ຕຸລາ 2021 ຂໍ້ 3 ການຈັດຕັ້ງປະຕິບັດມາດຕະການ ປິດ/ຫ້າມ ທົ່ວໄປຢ່າງເຂັ້ມງວດ ໃນຂໍ້ 3.4 ຫ້າມບຸກຄົນ, ນິຕິບຸກຄົນ ແລະ ການຈັດຕັ້ງ ຈັດງານສັງສັນ ຫຼື ຊຸມແຊວທຸກຮູບແບບ ທຸກສະຖານທີ່.

ກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງມາຍັງ ປະຊາຊົນລາວບັນດາເຜົ່າ ເປັນເຈົ້າການໃນການຮັກສາຄວາມສະຫງົບ ແລະ ເອົາໃຈໃສ່ປ້ອງກັນ, ສະກັດກັ້້ນ, ການແຜ່ລະບາດພະຍາດໂຄວິດ-19 ຢ່າງເຂັ້ມງວດ

ຖ້າພົບເຫັນເຫດການໃດ ທີ່ເປັນສາເຫດກໍ່ຄວາມບໍ່ສະຫງົບໃນສັງຄົມ ຫຼື ເປັນສາເຫດພາໃຫ້ມີການແຜ່ເຊື້ອພະຍາດໂຄວິດ-19 ແຈ້ງມາທີ່ເບີ 020 2889 9774 ຫຼື ທາງ ເຟັສບຸກ ປກສ ນວ.

ຊົມຄຼິບ

Related Posts

Leave a Reply

Your email address will not be published.