ເມືອງ ວັງວຽງ ປັບປຸງສະຖານທີ່ສູນປິ່ນປົວໂຄວິດ-19 ແຫ່ງທີ່ 2 ຂອງເມືອງ

ຄະນະສະເພາະກິດຂັ້ນເມືອງ ເມືອງ ວັງວຽງ ປັບປຸງສະຖານທີ່ສູນປິ່ນປົວໂຄວິດ-19 ແຫ່ງທີ່ 2 ຂອງເມືອງ.

ໃນວັນທີ 3 ກັນຍາ 2021 ນີ້, ຢູ່ທີ່ສະໂມສອນຫັລງເກົ່າຂອງເມືອງວັງວຽງ ແຂວງວຽງຈັນ, ໄດ້ປັບປຸງສະຖານທີ່ສຳລັບການປິ່ນປົວຜູ້ທີ່ຕິດເຊື້ອພະຍາດໂຄວິດ-19 ຂອງເມືອງວັງວຽງ, ເພື່ອກຽມຄວາມພ້ອມ ແລະ ຮອງຮັບໃຫ້ແກ່ການປິ່ນປົວຜູ້ຕິດເຊື້ອພະຍາດໂຄວິດ-19 ແຫ່ງທີ່02,

ໂດຍພາຍໃຕ້ການຊີ້ນຳຂອງທ່ານ ບຸນຈັນ ມາລາວົງ ກຳມະການພັກແຂວງ ເລຂາພັກເມືອງ ເຈົ້າເມືອງໆວັງວຽງ ທັງເປັນປະທານຄະນະສະເພາະກິດຂອງເມືອງວັງວຽງ, ມີບັນດາທ່ານຮອງເລຂາພັກເມືອງ, ຫົວຫນ້າ-ຮອງຫົວຫນ້າ ຫ້ອງການ, ຫົວຫນ້າໜ່ວຍງານ ແລະ ພະນັກງານວິຊາການເຂົ້າຮ່ວມ ຢ່າງພ້ອມພຽງ.

ໂດຍປະຕິບັດຕາມການຕົກລົງເຫັນດີເປັນເອກະພາບຂອງ ຄະນະສະເພາະກິດຂອງເມືອງ ທີ່ກຳນົດເອົາ ສະໂມສອນຫລັງເກົ່າ ມາປັບປຸງ ເປັນສູນປິ່ນປົວ ໂຄວິດ-19 ແຫ່ງທີ່ 02 ຂອງເມືອງວັງວຽງ.

ໜ້າວຽກທີ່ໄດ້ເຮັດປະກອບມີ: ການອານາໄມຂີ້ເຫຍື້ອ, ຕັດຫຍ້າ, ທຳຄວາມສະອາດສະຖານທີ່ພາຍໃນຊັ້ນ 1 ແລະ ຊັ້ນ2 ພ້ອມທັງການຂົນເຄື່ອງຕຽງນອນຈຳນວນ 40 ຊຸດ.

Related Posts

Leave a Reply

Your email address will not be published.