ຈຸດກວດກາ 11 ຈຸດ​ທົ່ວນະຄອນຫຼວງວຽງຈັນ

ຈະລາຈອນ ນວ ຮີບຮ້ອນຈັດຕັ້ງ ປະຕິບັດຄໍາສັ່ງເລກທີ 016/ຈນວ.

ພາຍຫຼັງໄດ້ຮັບ ທິດຊີ້ນໍາຈາກ ກອງບັນຊາການ ປກສ ນະຄອນຫຼວງວຽງຈັນ ໃນການຈັດຕັ້ງປະຕິບັດຕາມຄໍາສັ່ງເລກທີ່ 016/ຈນວ ລົງວັນທີ 19 ກັນຍາ 2021,

ພະແນກຕໍາຫຼວດ ຈະລາຈອນ ນວ ແມ່ນໄດ້ຮີບຮ້ອນຈັດຕັ້ງປະຕິບັດຢ່າງເຂັ້ມງວດ ໂດຍປະສານສົມທົບ ກັບ ປກສ ເມືອງ, ປກສ ກຸ່ມ, ອໍານາດການປົກຄອງບ້ານ ຕັ້ງຈຸດກວດກາ ປິດເສັ້ນທາງບໍ່ໃຫ້ມີການສັນຈອນໄປ-ມາ ຍົກເວັ້ນກໍລະນີ ມີໃບອະນຸຍາດຈາກຄະນະສະເພາະກິດ ຈິ່ງອະນຸຍາດໃຫ້ຜ່ານ.

ໃນນີ້ ສໍາລັບຈຸດກວດກາໃນວັນທີ 19 ກັນຍາ 2021 ທົ່ວ ນະຄອນຫຼວງວຽງຈັນ ແມ່ນມີທັງໝົດ 11 ຈຸດ ຄື:

ຈຸດກວດກາ ບ້ານສີໄຄ ເມືອງສີໂຄດຕະບອງ, ຈຸດກວດກາ ບ້ານດອນກອຍ ເມືອງສີສັດຕະນາກ, ຈຸດກວດກາ ບ້ານ ສີບຸນເຮືອງ, ຈຸດກວດກາ ບ້ານຫ້ວຍຫົງ, ຈຸດກວດກາ ບ້ານຂົວຫຼວງ ເມືອງຈັນທະບູລີ, ຈຸດກວດກາ ສວນວັດທະນາທໍາ ເມືອງຫາດຊາຍຟອງ, ຈຸດກວດກາ ບ້ານດົງຊຽງດີ, ຈຸດກວດກາ ຫຼັກ 36 ເມືອງໄຊທານີ, ຈຸດກວດກາ ໄຟແດງດົງໂດກ, ຈຸດກວດກາໄຟແດງໜອງໜ່ຽງ, ຈຸດກວດກາໄຟແດງ ໂພນສະອາດ ນອກຈາກນີ້, ຍັງຈະສືບຕໍ່ເພີ່ມຈຸດກວດກາຢູ່ບັນດາເມືອງ ຕື່ມອີກ.

ກອງບັນຊາການ ປກສ ນວ ຮຽກຮ້ອງມາຍັງປະຊາຊົນຊາວ ນວ ໃຫ້ເອົາໃຈໃສ່ ປະຕິບັດຕາມຄໍາສັ່ງເລກທີ 016/ຈນວ. ຢ່າງເຂັ້ມງວດ ຍ້ອນປັດຈຸບັນສະພາບ ການແຜ່ລະບາດຂອງພະຍາດໂຄວິດ -19 ຢູ່ໃນ ນວ ແມ່ນມີທ່າອ່ຽງເພີ່ມຂຶ້ນຫຼາຍ.

ຊົມຄລິບ

Related Posts

Leave a Reply

Your email address will not be published.