ຂ່າວດີ ຕ້ອງແບບນີ້ແຊ

ເອັສເອັມພີ ຟາມິລີ ມອບເຄື່ອງ-ອຸປະກອນຜະລິດຢາ ພື້ນເມືອງລາວ ໃຫ້ສະຖາບັນການແພດ ແລະ ຢາພື້ນເມືອງ.

ຂປລ. ໃນວັນທີ 18 ກັນຍາ 2021 ນີ້, ເຄືອທຸລະກິດ ເອັສເອັມພີ ຟາມິລີ ຫລື SMP Family ນໍາໂດຍ ທ່ານ ສູນທອນ ພົມມະຈັກ ປະທານ ເຄືອທຸລະກິດເອັສເອັມພີຟາມິລີ ໄດ້ມອບເຄື່ອງ-ອຸປະກອນ ຜະລິດຢາພື້ນເມືອງລາວ.

ໃຫ້ສະຖາບັນການແພດ ແລະ ການຢາພື້ນເມືອງ ລວມມູນຄ່າ 1,2 ຕື້ກີບ ແລະ ກ່າວຮັບໂດຍ ທ່ານ ດຣ. ບຸນເລື່ອນ ດວງເດືອນ ຫົວໜ້າສະຖານບັນການແພດ ແລະ ການຢາພື້ນເມືອງ ໂດຍມີ ທ່ານ ດຣ. ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ ແລະ ພາກສ່ວນກ່ຽວຂອງ ເຂົ້າຮ່ວມ.

ໂອກາດນີ້, ທ່ານ ດຣ. ບຸນເລື່ອນ ດວງເດືອນ ກໍໄດ້ສະແດງຄວາມຂອບອົກຂອບໃຈ ແລະ ຄວາມຕື້ນຕັນໃຈ ທີ່ປະທານເຄືອທຸລະກິດເອັສເອັມພີຟາມິລີ ໄດ້ນຳເອົາອຸປະກອນການຜະລິດຢາ ມາມອບໃນຄັ້ງນີ້, ເຊິ່ງເປັນການປະກອບສ່ວນສຳຄັນໃນການ ພັດທະນາວຽກງານການແພດ ແລະ ການຢາພື້ນເມືອງ ກໍຄື ການພັດທະນາ.

ການຄົ້ນຄວ້າວິໄຈວຽກງານຢາພື້ນເມືອງລາວ ໂດຍສະເພາະແມ່ນຄົ້ນຄວ້າຕໍ່ຈາກ ພູມປັນຍາທີ່ເປັນຢາ ພື້ນເມືອງຂອງບັນພະບູລຸດລາວເຮົາ ກ້າວເຂົ້າສູ່ຄວາມເປັນວິທະຍາສາດ ແລະ ທັນສະໄໝຂຶ້ນ.

ທ່ານ ສູນທອນ ພົມມະຈັກ ກໍໄດ້ກ່າວວ່າ: ຕາງໜ້າໃຫ້ເຄືອທຸລະກິດເອັສເອັມພີຟາມິລີ ຂ້າພະເຈົ້າມີຄວາມພາກພູມໃຈຫລາຍທີ່ໄດ້ເປັນສ່ວນໜຶ່ງ ໃນການພັກທະນາວຽກງານດັ່ງກ່າວ ແລະ ເພື່ອຜັນຂະຫຍາຍນະໂຍບາຍຂອງພັກ-ລັດຖະບານ.

ໂດຍສະເພາະແມ່ນນະ ໂຍບາຍຂອງ ກະຊວງສາທາລະນະສຸກ ໃນການນໍາໃຊ້ທ່າແຮງທາງດ້ານການຢາພື້ນເມືອງລາວ ທີ່ເປັນພູມປັນຍາມໍລະດົກຕົກທອດຂອງຊາດ ເພື່ອສະໜອງເຂົ້າໃນການປິ່ນປົວສຸຂະ ພາບໃຫ້ປະຊາຊົນ ລວມເຖິງການປິ່ນປົວ ແລະ ຕໍ່ສູ້ຕ້ານກັບພະຍາດໂຄວິດ ໃນປັດຈຸ ບັນ.

ຂ່າວ: ສົມຫວັງ.

ພາບ: ອ່າຍຄໍາ

Related Posts

Leave a Reply

Your email address will not be published.