ປິດ ການ ເຂົ້າ-ອອກ ເມືອງ ສາລະວັນ ທຸກຄົນປະຕິບັດຄຳສັ່ງ ຢ່າງເປັນເຈົ້າການ

ປິດການ ເຂົ້າ-ອອກ ເມືອງ ສາລະວັນ ທຸກຄົນປະຕິບັດຄຳສັ່ງ ຢ່າງເປັນເຈົ້າການ.

ແຫລ່ງຂ່າວຈາກ ແຂວງສາລະວັນ ໃຫ້ຮູ້ວ່າ: ທ່ານ ໜູຄໍາ ສີສະຫວັດ ຮອງເຈົ້າເມືອງສາລະວັນ, ຫົວໜ້າຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການ ລະບາດພະຍາດໂຄວິດ-19.

ເມືອງ ສາລະວັນ ໃນຕອນເຊົ້າວັນ 10 ກັນຍາ 2021 ນີ້ວ່າ: ສະພາບລວມການຈັດຕັ້ງປະຕິບັດຄຳສັ່ງ ເລກທີ 14/ຈມ.ສວ ລົງວັນ 09/09/2021 ທຸກຄົນໃຫ້ການຮ່ວມມືຢ່າງເປັນເຈົ້າການ ດ້ວຍຄວາມຮັບຜິດຊອບສູງ, ໃນນັ້ນໄດ້ປິດກິດຈະ ການຮ້ານຂາຍອາຫານ, ຂາຍເຄື່ອງຍ່ອຍ, ຮ້ານຂາຍເສື້ອຜ້າອື່ນໆ ແລະ ຕະຫລາດເມືອງສາລະວັນ.

ພ້ອມນີ້ ຍັງໄດ້ຕັ້ງດ່ານປິດກັ້ນ ຕາມເສັ້ນທາງລະຫ່ວາງບ້ານ ຫາ ບ້ານ ຕາມຈຸດເຂດບ້ານຕ່າງໆ, ເຂັ້ມງວດບ້ານເຂດແດງເຊັ່ນ: ບ້ານນາເຫລັກ, ຫລັກສອງ, ຄັ້ນທະລາດ, ນາກົກໂພ, ວັດກາງ, ໂພນແກ້ວ, ເຕົ້າປູນ, ບ້ານນາໂດນ ແລະ ເຂດຕະຫລາດເມືອງສາລະວັນ; ບ້ານເຂດເຫລືອງມີ ບ້ານນາໄຊ, ບຶງໄຊ, ທ່າເມືອງເຊ, ໂພນໃຜ ແລະ ບ້ານນາຄູ, ສ່ວນບ້ານອື່ນທີ່ບໍ່ຢູ່ໃນເຂດແດງ ແລະ ເຂດເຫລືອງ ແມ່ນໃຫ້ສືບຕໍ່ປະຕິບັດແຈ້ງການຂອງທ່ານເຈົ້າແຂວງສາລະວັນ ເລກທີ 19/ຈຂ.ສວ ວັນທີ 01 ກັນຍາ 2021 ແລະ ຄຳສັ່ງດ່ວນ ເລກທີ 13/ຈມ.ສວ ວັນທີ 04 ກັນຍາ 2021.

Related Posts

Leave a Reply

Your email address will not be published.