ຂ່າວດ່ວນ! ຊົມເຊີຍ ມສ ວຽງຈັນ ສັ່ງໂຈະການລົງທະບຽນເປີດຮຽນ

ແຈ້ງການ ເຖິງ: ທ່ານຜູ້ປົກຄອງນັກຮຽນ ແລະ ນ້ອງນັກຮຽນທັງຫມົດ ຂອງໂຮງຮຽນມັດທະຍົມສຶກສາສົມບູນວຽງຈັນ ເລື່ອງ: ການໂຈະການລົງທະບຽນຮັບສະເຫນີຕົວເຂົ້າຮຽນ ສົກຮຽນ 2021 – 2022

– ອີງຕາມ: ທິດຊີ້ນໍາຂອງຄະນະສະເພາະກິດ ນະຄອນຫຼວງວຽງຈັນ ຄັ້ງວັນທີ 29 ສິງຫາ 2021

– ອີງຕາມ: ທິດຊີ້ນໍາຂອງຫົວຫນ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ ຄັ້ງວັນທີ 29 ສິງຫາ 2021

– ອີງຕາມ: ການຕົກລົງເຫັນດີຂອງຄະນະພັກ-ຄະນະອໍານວຍການໂຮງຮຽນ ມສ ວຽງຈັນ ຄັ້ງວັນທີ 29 ສິງຫາ 2021

ຄະນະພັກ-ຄະນະອໍານວຍການໂຮງຮຽນ ຂໍຖືເປັນກຽດແຈ້ງມາຍັງ ທ່ານຜູ້ປົກຄອງນັກຮຽນ ແລະ ນ້ອງນັກຮຽນທັງຫມົດຊາບວ່າ: ນັບແຕ່ມື້ວັນທີ 30 ສິງຫາ 2001 ເປັນຕົ້ນໄປ ທາງໂຮງຮຽນ ມສ ວຽງຈັນ ຈະໄດ້ໂຈະການລົງທະບຽນຮັບສະເຫນີຕົວເຂົ້າຮຽນ.

ປະຈໍາສົກຮຽນ 2021-2022 ກ່ອນ ຈົນກ່ວາວ່າຈະມີ ແຈ້ງການຂອງຄະນະສະເພາະກິດແຈ້ງໃຫ້ເປີດຮັບລົງທະບຽນເຂົ້າຮຽນໄດ້ອີກ ທາງໂຮງຮຽນຈຶ່ງຈະແຈ້ງການ ເຖິງທ່ານຜູ້ປົກຄອງນັກຮຽນ ແລະ ນ້ອງນັກຮຽນຕື່ມຕາມພາຍຫຼັງ.

ດັ່ງນັ້ນ, ຈຶ່ງແຈ້ງມາຍັງບັນດາທ່ານຜູ້ປົກຄອງນັກຮຽນ ແລະ ນ້ອງນັກຮຽນທັງຫມົດເພື່ອຮັບຊາບ ແລະ ພ້ອມກັນປະຕິບັດດ້ວຍ.

Leave a Reply

Your email address will not be published.