ສຸດຍອດໄປເລີຍ…!!! ຫຼວງພະບາງເລີ່ມປູກ ດອກອັນຊັນເປັນສິນຄ້າ ຍ້ອນສັບພະຄຸນຊັ້ນຍອດສາລະພັດໂລກ

ຍ້ອນສັບພະຄຸນຫຼາຍຢ່າງສາລະພັດ ຂອງດອກອັນຊັນຫຼວງພະບາງເລີ່ມປູກເປັນສິນຄ້າແລ້ວ ດອກອັນຊັນ ນອກຈາກຈະຈັດເປັນດອກໄມ້ທີ່ສວຍງາມດ້ວຍສີມ່ວງສົດໃສແລ້ວ ຍັງມີຄຸນປະໂຫຍດຫຼາຍຢ່າງ.

ທີ່ຄົນນິຍົມຮັບປະທານເປັນຢາໃນການແກ້ອາການຕ່າງໆ ແລະ ເຊື່ອກັນວ່າມັນສາມາດຊ່ວຍຕໍ່ຕ້ານອະນຸມູນອິດສະຫຼະໃນຮ່າງກາຍໄດ້, ເພີ່ງພະລັງງານໃນຮ່າງກາຍ ແລະ ຊ່ວຍປ້ອງກັນໂລກເສັ້ນເລືອດສະໝອງຕີບ ແລະ ອີກຫຼາຍໆໂລກອີກດ້ວຍ.

ປັດຈຸບັນຄົນມັກຈະນິຍົມປູກ ຈະສັງເກດເຫັນໄດ້ຕາມບ້ານ, ສວນ ແລະ ສະຖານທີ່ອື່ນໆ ເຊິ່ງເນື່ອງຈາກດອກອັນຊັນ ຈັດເປັນດອກໄມ້ທີ່ມີສັບພະຄຸນທາງຢາໄດ້ດີ ເຊັ່ນ:

ຊ່ວຍຮັກສາຜົມຫຼົ່ນ, ຊ່ວຍຫຼຸດຄວາມສ່ຽງຂອງການເກີດໂລກຫົວໃຈ ແລະ ຫຼອດເລືອດຫົວໃຈອຸດຕັນ, ຊ່ວຍລົດລະດັບນ້ຳຕານຂອງຜູ້ປ່ວຍທີ່ເປັນໂລກເບົາຫວານ, ຊ່ວຍບຳລຸງສາຍຕາ ແກ້ອາການຕາມົວ ແລະ ອີກຫຼາຍໂລກທີ່ບໍ່ໄດ້ກ່າວ.

ທ່ານ ຕາກະບະຢະຊິ ອາສາສະໝັກໄຈກາ ປະຈຳຢູ່ຫ້ອງການກະຊິກຳ ແລະ ປ່າໄມ້ ນະຄອນຫຼວງພະບາງ ໄດ້ເປີດເຜີຍໂຄງການປູກດອກອັນຊັນໃນແຂວງຫຼວງພະບາງວ່າ: ມີຄົນທີ່ມັກ ແລະ ນິຍົມປູກດອກອັນຊັນຫຼາຍ ແລະ ໄດ້ເລີ່ມປູກດອກອັນຊັນຕັ້ງແຕ່ເດືອນກຸມພາເປັນຕົ້ນມາ ເຊີ່ງກຳລັງຈະເລີນເຕີບໂຕ ທີ່ໃກ້ຈະສາມາດນຳມາເປັນປະໂຫຍດໄດ້.

ໂດຍປະຈຸບັນກໍໄດ້ມີຊາວກະສິຈຳນວນໜື່ງທີ່ ທີ່ໃຫ້ຄວາມສົນໃຈ ແລະ ກຳລັງຢູ່ໃນຂັ້ນຕອນກ້າເບ້ຍ ແລະ ເພາະປູກ ໃນບາງຟາມດອກໄມ້ກຳລັງເລີ່ມເບັ່ງບານສວຍງາມ.

ເພາະເນື່ອງຈາກດອກອັນຊັນໄດ້ຮັບຄວາມສົນໃຈຊື້ຈາກຫຼາຍບໍລິສັດ ເຊິ່ງຈະໃຊ້ເປັນຊາ ແລະ ສັບພະຄຸນອື່ນໆຢ່າງຫຼວງຫຼາຍ ແລະ ຍ້ອມສີທຳມະຊາດ ສຳລັັບບໍລິສັດທີ່ຊື້ຫຼັກໆແມ່ນ: ບໍລິສັດ ຊຸຈິໂກະ ຈຳກັດ.

ໃນປັດຈຸບັນຍິ່ງເປັນຊ່ວງລະດູຝົນຍິ່ງເໝາະແກ່ການປູກ ເຊິ່ງໃນແຕ່ເຂດທຸກພຶ້ນທີ່ຂອງປະເທດລາວສາມາດປູກໄດ້ ລັກສະນະຂອງດອກອັນຊັນແມ່ນ ເປັນເຄືອລາມໄປທົ່ວຕາມບໍລິເວນ.

ເຊິ່ງເວລາປູກກໍອາດກະກຽມສະຖານທີ່ໃຫ້ເໝາະສົມ ກັບສະພາບຂອງລັກສະນະດອກໄມ້ ອັນສຳຄັນຕ້ອງສຶກສາບັນຫາແມງໄມ້ ແລະສັດຕູພືດທີ່ຈະມາທຳລາຍດອກໄດ້.

ຂອບໃຈທີ່ມາ:fckhao

Leave a Reply

Your email address will not be published. Required fields are marked *